NBA YAHOO FANTASY 2012－2013(L1  L2 總計 242頁) [復制鏈接]

其實如果每次改變都係會惹黎咁多人話唔玩
咁都係唔改變唔提出算
有得隻Game繼續咁run落去啦
我冇乜所謂

Ｄｉｃｋｓｏｎ:其實調轉頭諗,你話add drop數目會影響你呢類型日日add drop ge玩家
但亦都可以講7move per week影響左唔可以日日睇住電腦咁留意ge玩家
咁就唔使顧及呢班玩家? (2012-10-23 11:50) 

我完全反對你呢個觀點囉, 玩遊戲, 用唔用心留意 d news 都係其中一個部分,

我地一早話明只係想同有心的玩家同願意日日排陣的好友玩,

hea 玩其實我地無打算照顧的,

hea 玩唔日日睇電腦係呢類玩家自己選擇,

你咁樣講,
反而像JIMMY 有心玩的好友變成不對咁,
我唔同意囉 !

再講,
呢度玩左好多年都係一周七個,
從來無人話有問題,
你突然話要改,
當然換來好多比你玩得耐的玩家感到無所適從的!

snipertcy:我完全反對你呢個觀點囉, 玩遊戲, 用唔用心留意 d news 都係其中一個部分,
我地一早話明只係想同有心的玩家同願意日日排陣的好友玩,
....... (2012-10-23 13:12) 

冇上黎吹水唔變陣就等如唔睇news?
我冇講過有人唔岩有人唔著
提出要修改係下有冇人有同感

一路玩開冇人修訂rules係可能有d野你未一路冇留意到
我只係負責提出問題
但下下一改就話唔玩,唔想玩
我諗以後有咩問題我都係唔出聲好過

仲有, 我覺得我地好友聯賽係私人小組, 唔應該下下將規則同 yahoo default 的 pro-聯賽作比呢, 有玩家覺得 pro-league = pro, 咁你們玩 pro-league 得啦~

我從來都係業餘的玩家兼Just for fun 而已,

每日找合適的球員 add 下, 唔用 wavier add 係解決短期問題, 也係我每日玩呢個game的一大樂趣,

至於用wavier 所add 的人, 就真係解決 long-term 問題的,
哈哈

by the way,
今季點都係一周 add 7 個的,
所以大家放心繼續玩住先,

下季的事,
下季再算囉~

開開心心玩了今季先啦~

點知出年地球會唔會末日呢, 哈哈

其實冇限move,有限move,限一week冇限一week我都玩過
其實有好多遊戲細節係可以增加一隻遊戲ge耐玩度同趣味性
唔係淨止係move呢個細節上
有d setting pro-league係好ge冇咩問題,可以提出黎講,係有參考價值
又或者另外自己league有咩唔好ge又可以拎出黎講
全部到最後有任何改動都係用投票黎決定
完全冇迫人就範ge用意
最後都係為左個league好
但如果下下傾遊戲細節上改動因為唔就岩其中一d玩家ge玩法而要話唔玩
冇人話唔得,但最後有d可以令到個league run得好d ge細節就忽略左
而個耐玩程度低左,玩家都自然會流失
我唔係話我提出黎ge一定好,所以先要傾
但一拎到出黎講就有人話唔玩,邊有人拎出黎傾?

Ｄｉｃｋｓｏｎ:冇上黎吹水唔變陣就等如唔睇news?
我冇講過有人唔岩有人唔著
提出要修改係下有冇人有同感
....... (2012-10-23 13:16) 

其實你成日建議想改呢樣改那樣,

咁不如你開另一個私人小組,

然後睇下有無其他好友想跟你定的規則玩,

咁咪解決到你成日擔心的各種唔夠挑戰性或唔夠 pro 的問題囉

snipertcy:其實你成日建議想改呢樣改那樣,
咁不如你開另一個私人小組,
....... (2012-10-23 13:24) 

明白,以後唔會再評論呢個league任何rules

jimmy:你之前提出既問題係，太多waiver,而3日變2日已經直接減左33%waiver,呢個是肯定的，再唔係咪試1日囉，減掉67%(當然大前提是沒人反對）
或者，個問題是想防止人地負碌，好似我呢類對nba唔太熟，但好有熱誠，好有興趣，日日都拎時間研究，但研究極都得半桶水既玩家，每日晨早起身， .. (2012-10-23 11:45) 

我唔認同一日，我認為放得出來果d球員，要一段時間先add得返是樂趣，至少2日，3日都ok

Ｄｉｃｋｓｏｎ:其實調轉頭諗,你話add drop數目會影響你呢類型日日add drop ge玩家
但亦都可以講7move per week影響左唔可以日日睇住電腦咁留意ge玩家
咁就唔使顧及呢班玩家? (2012-10-23 11:50) 

我一路都講add/drop愈多，對愈少時間研究/上網，甚至係4、5點好難上到網的玩家唔著數

不過呢樣野無得計既，因為每人對呢隻game既興趣/付出同佢既時間條件都唔同

Ｄｉｃｋｓｏｎ:明白,以後唔會再評論呢個league任何rules (2012-10-23 13:29)

唔係話唔去評論/改變，亦都無講過而家一定最好，基本上好多改變我都會接受，可改變，可商量，但呢個改變，改變左我真係無立足之地，一個只識用頭鎚既足球員唔俾用球鎚，還有用處？

呢個改變已經唔係好定唔好既問題，而係改左之後我已經諗唔到點玩

其實我唔明一個好好的討論做咩要演變成你插我我插你

總之玩家有好多種，話左玩跟住因為覺得唔好玩、無興趣、懶連陣都唔排唔轉果d玩家，就真係早走早著

其他既都是好玩家，例如jimmy咁，睇得出佢好有heart玩，不過對nba球員唔熟，但唔緊要，可以利用「一向沿用」的一周七add/drop來補強隊波，令到自己可以係遊戲生存落去，呢點絕對理解

我認為只要有心玩的玩家，佢既感受都應顧及。例如有d好有心，但無手機上網/返工無得上網既人，唔好講話4點add人時間，再晏d都未必上到電腦add住，可能要收工晚上先去研究add/drop咩人再去做，已經唔夠人爭...如是者，一周少d add/drop可能對佢地有更大好處

係唔係話為左jimmy果類，或者唔係jimmy果種情況但中意一周7add果d人，就一定要沿用舊制唔諗得改變??  反過來，又係唔係一定要為左第二個例子果d人，或者其他想減少add數果d人而去改變? 我地好友論壇不是這樣吧。

所以dickson只是提出任何可能性去討論，同埋以佢玩得比較耐同熟既經驗去比意見，佢都講明唔一定要跟從，最後都係投票

但我認同一點，就是今季已有定案，下季點改，改唔改是下季的事，雖然而家dickson是好意提出來討論，但由於一直以佢的角度去解釋佢既睇法，甚至反駁他人的觀點(可能有道理，可能無)，就比到人一種咄咄逼人的感覺，會覺得「今季都未開始」，講咁多做咩? 尤其呢d觀點o係呢刻jimmy根本接受唔到，因為聽落去已經覺得對自己好不利 (其實今季同上季人數都唔同，玩玩下可能jimmy有另外見解呢)

所以，我認為dickson提出討論的出發點是好，但不需要呢刻一定要人接受可能下季會面對轉變呢個情況呢

至於jimmy，您除左繼續固有策略之餘，咪今季玩果時得閒諗下一周減少add，或全季限add會唔會多左樂趣lor~~

天曉得會唔會玩完呢季jimmy想一周4add，dickson唔想改，我突然唔想再玩呢隻game o者

就好似科高唔讚成一日waiver,我相信最尾通過左既話佢都唔會話唔玩，但可能對佢黎講樂趣少左（？）
因為係其它方面輸蝕俾人既關係，唯一既方法係每日早啲起身睇下邊個球員爆分即add,
Draft人已先天有缺陷，睇新聞既能力又差過人（當然呢啲只係我個人問題，無理由大家同我一齊承擔）連唯一將勤補x既機會都無既，點玩落去？
我預左講唔玩會俾人插，但改變呢條rule我唯有咁選擇，請dickson勿誤會

另一樣野，我認為add/drop重質亦重量

有時去到最後一day，幾項數據都係爭丁丁，可能add條友2個3分波已經幫反勝呢
上季我季中add到木狼個center簡直如獲至寶啦，如果果日跑渣馬唔係遲左十多分鐘回家，我add埋Lin啦，playoff實入到，呢d咪質lor

純粹舉例，如果一個想add/drop多d的人突然因勤力/運氣/碰巧睇到/夠果斷add曼上面果2條友，隊波有用人多到瀉，drop都唔知drop邊個好，果刻佢可能心底裡期望add數愈少愈好令自己得到最大benifit呢

tc2218:I think we can use the pro-setting on upper league next year, n keep the old setting for lower league next year. Anyways, its something we can discuss on for "NEXT" season. Let's focus on this season now. (2012-10-23 12:06) 

呢個我都有諗過~

科高蘭尼紐約人:其實我唔明一個好好的討論做咩要演變成你插我我插你
總之玩家有好多種，話左玩跟住因為覺得唔好玩、無興趣、懶連陣都唔排唔轉果d玩家，就真係早走早著
其他既都是好玩家，例如jimmy咁，睇得出佢好有heart玩，不過對nba球員唔熟，但唔緊要，可以利用「一向沿用」的一周七add/drop .. (2012-10-23 14:13)

我無認為1週7add是100%正確，只係覺得無左呢個權利我係呢隻game生存唔到落去，我亦都無要呢隻game千就我，我只是28份之1，改左之後無左我可能多番5個呢，更加希望大家唔好覺得我係要力x,因為改左rule既話我真係睇唔到前景