其實大家有無留意到吹水版呢個topic呢？
http://bbs.hkbff.net/read.php?tid=104355&fpage=&toread=&page=1講緊如何改革好友論壇。
好多會員提出話 球迷會 既運作越黎越有問題，所以建議要整頓、甚至鏟佐個球迷會，唔知你哋點睇呢？
好多時候系好友裡面，我敢講，都系我哋利迷同埋隔離曼迷之間的爭吵。
雖然個post裡面無指名道姓，但係大家心知肚明。
好難要求每個球迷之間都互相尊重、體諒，睇波系需要熱情，支持愛隊都一樣要有heart！有soul！！！
不過做人都要講道德，唔可以系踩低人哋既情況之下讚頌自己的愛隊，這樣做太不可取。
抽水無罪，但係唔係個個都係抽得咁有class、咁幽默。有時d野，唔系人人可以接受∼
我相信利迷之間都很有愛，我唔要求大家去愛曼迷，只要互相尊重。河水不犯井水系好事，多d善意交流亦都唔係壞事啊？係咪∼？:)
我相信大家都系愛好和平者，我亦都知道自律系好容易達到的。
我想講，剷除球迷會，我系一萬個唔願意！！我會極力維護！！！
我知道唔系三言兩語就可以做到，系靠大家平時的言行舉止，我知道人有脾氣，但係爆得亦要收得。我自己都成日爆粗，但係我敢講我係對事唔系對人的。
我唔知點解自己咁維護，但係呢度有好多我們美好的回憶，利物浦的興衰喜怒哀樂，
“如果你無能夠系隊波輸波既時候撐佢哋，咁贏波既時候你都唔好撐！！” :]
希望大家和平共處，球迷會能夠生存，好友能夠企穩∼
