早幾日聽電台, 聽返呢場波三色台既直播聲帶精華.....
當日呢場波, 係01年全季最後一場賽事, 巴塞主場對華倫西亞, 當時巴塞排第五, 華西排第四, 所以巴塞一定要贏先出到線 (唔記得左係咪因為同分但對賽成績較好所以華西排第四, 有冇好友記得?)
當日呢場波巴塞先由李華度靚罰球領先一球, 之後俾巴拉查頂入 1:1....
之後李華度再以一記勁射成2:1...... 可惜之後巴拉查飛頂追成2:2.....
眼見就快完場之際, 巴塞後衛將波送俾身處對方禁區頂既李華度, 球不著地,心口一控, 凌空施展倒掛金勾, 力度角度有齊, 皮球係簡尼沙尼斯飛盡都撲唔到...
就係咁, 呢個世紀入球幫巴塞拎到歐聯既入場券.... 呢場波亦都令李華度多左個稱號 - "李三腳"
睇返都好懷念!!
http://www.youtube.com/watch?v=jJgxBeTppFU
