[論壇公佈]有關版主、總版、壇主執行壇規之指引及澄清 [復制鏈接]

近日由於某一禁言事件，引起部分版主及會員議論，而有版主或會員，對於版主、總版、壇主執行壇規的權限似乎有所誤解，為免日後版管執行版規、壇規時無所適從，故特作出以下澄清。以正視聽。

而有關執行守則，全部都是根據好友論壇過往一直沿用之慣例作為依據。



首先，對於版管執行扣分、定期禁言等罰則，論壇從來沒有要求有關版管需要先在政務處開主題，上呈總版或壇主，才可以執法。相反，這是論壇賦予版主的既有權限。版主可以自行決定扣分、禁言，以及扣分的數目、禁言的日數。

當然，會員可以上訴，如此，則必須在政務處提出上訴理由，再由兩位總版及壇主作出最後裁決。

然而，要永久禁止登錄（即BAN A/C 或 BAN IP），即不在版主權限之內。必須由兩位總版及壇主作出裁決。總版或壇主可以公開咨詣一般會員及版主的意見，但同樣地，這不是必須的程序。總版與壇主有權在不經諮詢的情況下，單獨作出永久禁止登錄的判決。而事實上，好友論壇一直奉行這項規則。並非罕見。這幾年間，由兩位總版直接禁止登錄的會員絕非少數。


總版與壇主權責相等。故三人可視為一個總閣。若遇之間有意見相左，即以多數為據。兩票贊成者可以執行有關法則。不必要一定經過全體贊同。然而，在無意見分歧的情況下，總版、壇主絕對可以單獨一人作出裁決及處分。




以今次望晴天事件為例，有關會員在違反壇規後，版管已經即時作出警告，並要求其修正違規言論。在前後兩次的警告無效後。版管才作出行動。另外，有關行動並非如外界所指，是本人一人的決定。事實上，除本人之外，亦得到當時在場的另一位版主同意並確認，才予以執行。正如前文所言，論壇並無規定總版、壇主在執行有關壇規時必須有若干版主同意，這只是壇主的個人意向及選擇。並非法定程序。事實上，當其時整個論壇亦只有該位版主在場，並無第三位版管。否則，可以咨詢的對象應該可以更多。但考慮事件的即時性，無必要等其他人介入，壇主有足夠理據執行壇規，故即時執行之。


事後，本人亦已經第一時間向兩位總版匯報。亦得到其中一個總版的同意。認為執行有關壇規合乎法則。


以上是有關執行版規、壇規的指引以及有關事件的澄清。

用戶被禁言,該主題自動屏蔽!

結果都係選擇鬥氣

其實唔係無想幫你既好友 但係如果講道理行得通，一早有人出黎幫你拗埋一份，你估係好友呢度真係咁易俾人踢出壇？咁易俾人ban?唔出黎講一句既原因真係因為怕左老狐既萬字經？你自己諗清楚啦


話人要面唔認輸，究竟而家係邊個唔認輸 你認句錯，俾少少誠意，加埋想你留低既人既人情牌，點都好過而家咁用無說服力既說話去抗辯

最尾仲要留一句搞分化，唉

其實真係好老實一句

要借屍還魂返o黎唔難

永遠都係唔俾人發現先難

所謂o既難，其實就係度氣

放低仇恨，唔再針鋒相對，你返左o黎無人認得你就完全無問題

(如果你一心只係返o黎吹水、傾YFF
相信好難穿煲o既
呢D係好明顯o既灰色地帶)

BTW，成日話係老狐一個決定晒
其實我地唔少總版、版主都出過o黎講過，由禁言、加長禁言到永久終止，從來都唔係佢一人決定
我地管理層係有溝通過o既，
所以，其他會員絕對唔需要"引以為鑑"
亦在此希望大家唔好誤信謠言，影響管理層o既公信力。

如有借屍還魂的重複戶口，一經發現，將會即時中止服務。

仲有~~~各位會員請引以為鑑

唔好學我咁俾人挑釁一時沉唔住氣踢人被罰停賽之後仲被迫轉會

致"壇主":

我無話過"無辦法撤走簽名檔", 你唔好再強詞奪理....

其實你鍾意講乜都得~~~ 因為我已經重返左

不過我想表達既係~~~ 你對我既不滿絕對令你處理呢件事上有不公平既情況

我返得黎講都無預過你會俾我用原本account返黎

以你咁要面又點會認輸? 以你既文筆, 咩都可以寫到振振有詞, 係咪? (相反我真係無咁多時間耐性...你見我俾你禁到個幾月無上黎都知....你可以話我係用空白簽名檔攻擊你既....正所謂死無對證....你又在"明"....)

而我從來都無諗過要你信(因由頭到尾真正都只得你一個係度做決定)

只係想大家知道真相~~~你亦大可以用你既一套去interpret同向大家分析我既"抗辯"

同埋令個壇知道技術上係存在問題 (而且到宜家都無人回應過我被禁後權限/通知問題; 講到話點解要托朋友講句, 未免太那個了吧? 需知道要站出來對抗是要有離壇既勇氣)

我亦都想係度等大家想我回歸既好友講聲多謝! 你地明白件事係點的! 大家在心裡 :)

期待以第二個身份再同你地成為好友

被中止戶口之望晴天

真秘密:其實我都有睇過唔少次你都無換到..不過我就唔係好記得係咩時間check la.
我相信都有唔少人會有睇,等其他人黎講下 (2012-08-12 04:41) 

我地留言有紀錄的。你可以去睇番。


我6月22日禁言。佢話佢七日就撤走簽名檔，不過無人理。咁你睇下，我係幾月幾號再次問三郎，對方有冇理會我地？而三郎又點答我地。咁你就知道係咪有人係到講緊大話了（你唔需要係呢到講番，你睇到，知道個日子就足夠了）。


佢係呢段時間，可以更改簽名檔既文字，卻話無辦法撤走簽名檔，你叫人點信？



退十萬步，就當佢真係因為支術上既問題先攪成咁，既然佢清清楚楚知道我地開出既條件，又話自己有撤走但撤唔到個簽名，又話PM 有問題，點解唔上黎講？自己上唔到黎，托個朋友講句有幾難，佢呢到唔少朋友吧。托唔到人，好似今次咁，開個新戶口上次講句有幾難？


佢係有開新戶口，但上黎做咩？除左漫駡同繼續攻擊我之外！佢宜家提出既抗辯理由，無一個可以成立。而最差既係佢既態度，完全無誠意可言。我實在搵唔到半個理由要撤消之前既裁決。

佢係因為用「獸成」黎鬧我，所以被禁言。然後用重複戶口上黎，一開口就又係用獸成黎鬧人！同一個錯誤，不斷去犯，我地點可能唔做野？！

獸成都無問題既話，即係狗種都無問題啦？大家係咪想好友變到，人人可以周圍鬧人「曼狗」、「猁」？好似幾個大壇咁，點鬧點侮辱人都無問題？抱歉，我地唔係呢類論壇。我地唔單止唔會比人用曼狗、猁呢D 用詞，連曼九都唔得！

如果有人用曼九鬧人，你會唔會同佢開脫話，車，佢講個個係數字黎之嘛，講數字有咩問題？唔好再狡辯啦！大家心知肚明個個詞係咩意思。再爭辯黎做咩？

爭辯楊受成係咪一個殷實商人有咩意思？宜家個問題由始至終係呢位會員幾年以黎對我窮追不捨。幾年以黎既心結，我唔認為佢會係今次事件後解開，相反，佢對我既仇恨只會愈黎愈深。比佢番黎，等如放粒計時炸彈係到，隨時再爆。我仲要同佢糾纏幾耐，糾纏幾多年先夠？

佢第二次用重複戶口上黎，去左球迷會講波，講波之餘都不忘影射我係「正義__」！大家又諗下個個__ 會係咩字？大家係咪要我係以後既日子入面，日日比人冷嘲熱諷，日日比人抽水中傷先安樂？大家有冇考慮過，我所受既精神壓力又有幾大？我點解貼埋錢，貼埋時間，去攪個論壇，然後可以日日比人抽水侮辱？


我有時間都唔想將D 時間浪費係佢身上。論壇仲有更多更值得我去處理既事務。

垃圾桶:萬大事都有商量，比多次機會佢啦.. (2012-08-12 18:17) 

NO！

youyou:其實鑑於望晴宜家的態度, 已經有所改善 (起碼再改的名字都再無攻擊成份)
會唔會考慮比多最後一次機會佢
如果今次佢繼續挑"引"各管理層或講任何粗口
先再永久禁言?
....... (2012-08-12 17:50) 

名字無攻擊成份呢個係好正常的吧？呢個係基本到唔基本既要求！難道佢鬧左我三次，第四次無鬧我地就話佢對我好左好多？唔係掛？佢不斷地攻擊我，然後呢次唔係改名到抽水，咁就等如「有所改善」！？！？


請你再睇多次佢今次既留言，佢仍然係以惡劣既態度繼續攻擊我，又話我趕走人，又話我隻手遮天。請問佢係邊地改善過？咁既所謂「改善」，同之前有咩分別！

機會係係未判決前比的。未判決前，我地有比足機會佢。佢無理會。判決之後，我地就要尊重番個判斷！事實上，係宣布前，我亦有問各位版主意見，當然無人有異議！宜家我正式宣佈後你先再黎求情，依乎有些那過吧！

抱歉，我唔打算收回成命！

youyou:其實鑑於望晴宜家的態度, 已經有所改善 (起碼再改的名字都再無攻擊成份)
會唔會考慮比多最後一次機會佢
如果今次佢繼續挑"引"各管理層或講任何粗口
先再永久禁言?
....... (2012-08-12 17:50) 

佢而家仲係度想「據理力爭」

如果佢係想講道理，我自己就覺得佢幫唔落

但係如果想講人情咁就唔同，咁佢至少態度上或者方式都要變變

唔係無得番轉頭....

唔少人都知佢係資深會員，但係淨係佢本人保證以後同當事人互不干涉，好似委屈佢退一步咁，唔夠誠意吧

萬大事都有商量，比多次機會佢啦..

其實鑑於望晴宜家的態度, 已經有所改善 (起碼再改的名字都再無攻擊成份)
會唔會考慮比多最後一次機會佢
如果今次佢繼續挑"引"各管理層或講任何粗口
先再永久禁言?

其實佢都係資深會員, 加入論壇的日子比我更長,
係論壇的活躍程度亦很積極,
我還記得之前佢在遊戲版亦積極參與三壇混戰, (至少証明佢其實都好鍾意呢度)
而且上次唔記得邊位好友, 去信外國的yff forum邀請參與壇戰,
望晴亦積極幫對方修改英文,

在此懇請大家比多次機會佢
始終在此論壇的資深會員真係賣少見少,
還望壇主網開一面

而最重要既係，唔撤換簽名檔，只會一直延長你既禁言，並唔會永久中止你既服務！

假設真係因為任技術問題引起誤會，你上黎講番，肯定大把人幫你講好話，亦應該可以好快中止禁言！可惜，你選擇了最愚蠢既方法，一上水第一句就以極惡劣態度漫駡版管，第二個post就馬上用番上次被禁言既侮辱性言語侮辱版管人員！

你被永久中止服務，係因為咁，而唔係因為唔撤換簽名檔！

至於你第二次上黎用更惡劣既態度繼續侮辱版管人員，只會加強我地執法既決心！

你由始至終，不知悔改，屢次侮辱版管，我地唔會再向你提供任何服務的了！