記者再同阿Lam做訪問，再三追問下，阿Lam無奈答咗幾句，佢話：「我同鄭Sir（填詞人鄭國江）一樣唔想講，我冇上網，連email、SMS都冇，唔知咁多事。」講到外間熱捧《歲月如歌》，阿Lam反問：「即係Eason嗰首？」隨即為自己首歌平反，佢話：「有人鍾意呢首，有人鍾意嗰首，我又唔係搶番嚟，係TVB安排搵我創作。」
問阿Lam介唔介意被網民批評？佢話：「睇都冇睇，點解要介意？唔會理咁多嘢。」佢仲話冇睇過《衝II》，但讚Eason首《歲》係一首好歌，阿Lam越講越㷫話：「有好歌你鍾意就聽，唔好歌唔鍾意咪唔好聽，冇得比較，始終係10年前嘅事，劇情又唔同，兩件事都唔一樣，你哋覺得係唔係？」
