白熱化！最後直路！ [復制鏈接]

freezefox:係囉，兩蚊真係無理由放的。
你話四五蚊都話者。 (2014-03-31 23:23) 

我9蚊都無諗住放哈哈

siuzac:我9蚊都無諗住放哈哈 (2014-04-01 10:42) 

九蚊宜家都買到啦………

freezefox:九蚊宜家都買到啦……… (2014-04-01 11:04) 

係咩....

siuzac:係咩....[表情] (2014-04-01 17:12) 

9.25

車路士尋晚歐聯敗北，下周要淨勝對手兩球、甚至三球先可以出線。令到夾係周中既聯賽賽事，變得更加難以睇通。摩連奴呢場打咩主意，好難捉摸。全力殺敵以求保留最後爭標既希望，定係半力出擊小勝收工以求留力歐聯？當然，即使半力出擊，主場之利下，要羸史篤城，應該無咩問題。但係咪可以大數，我就有保留了。以車路士宜家既情況，好大機會1:0 或2:1 就收工了。

車路士最難買既就係中前場球員。前鋒無個得！又無個係長時間既隱定正選。宜家伊度奧又傷左，托利斯又唔掂！舒爾尼又唔知駛唔駛留番周中歐聯先用！一個唔該佢出BA 你都吹佢唔漲。就算比你捉到路，買中佢出邊個。90 分鐘打完可能得個幾分落袋。一樣激死！車路士係得一個夏薩特係可靠的。亦係今季五大得分球員。不過，佢都唔係場場爆。爆起上黎三十幾分，沉起上黎幾分收工都唔係未試過。20蚊買落去風險唔細。中場更加係陷阱處處。上周買車仔中場既全部中伏。夠膽死韋利安同奧斯卡齊齊SUB。今周有個歐聯後顧之憂，出人就更加手緊。好易領野。如果你覺得九蚊既馬迪唔算貴，咁呢個都係可以考慮既人選之一既。

今周既車路士，絕對係牌面好睇，但又買唔落手既球隊。


比起中前場，車路士既後防就比較容易捉路。如果講今周CS 機會最既球隊，都係離唔開主場既曼城同車路士。不過，唔係無隱憂的。

史篤城近況甚佳，而且入球能力有保證。對上十場，只有兩場入唔到波，分別係作客曼城同作客新特蘭。其他八場，場場有波入。總入球數字達15球之多，即係平均一場入1.5 球。如果車路士近況唔係咁弱，我都對佢既CS 有信心。可惜，連續三場敗仗，加上泰利連續兩場出錯引至球隊失波兼輸波，車路士球員信心難免有所動搖，咁就好易比史篤城有機可乘。史篤城宜家以40分排第十，未至於可以話打風流波，但降班機會亦好微！係無咩心理壓力下同你車路士對撼，輸少當羸。話唔定真係入到車仔波。

車路士後防身價唔平。正選個幾個除泰利外個個都13,4 蚊。九個幾既雷斯又唔係必然正選。諗住買泰利，要小心，已經連續兩場失誤導致球隊失波。摩連奴會唔會要佢抖番場呢？而且，如果呢場再出泰利，周中對歐聯又出佢，咁就係七日內連打三場。對於三十幾歲既泰利黎講，會唔會負荷過重呢？想偷雞既人要考慮埋呢兩點。

講開CS，唔計曼城、車路士，大家可能會寄望主場對水晶宮既卡迪夫城可以一搏。話哂有主場之利，水晶宮又出名攻力薄弱。但要小心，今季卡迪夫城打左三十幾場波，先得4場有CS，CS 率係12.5%，低到無可再低。而且4場CS，全部和波。全部0:0 。如果你係買佢既籠既話，賺左個5分CS 既同時，你又無左4分WIN 既分。無咩著數。一個唔該CS 爆左既話仲血本無歸。雖然佢個籠先係三個幾。但上周禾姆爆分既奇蹟未必可以重現的。如果你係買佢既後防既話，仲衰，稍為有得分力既卻克要去到16蚊（現價計，偷價唔清楚）。其他平少少既都要十蚊左右，但睇見D 分就唔開胃。以價錢計，卡迪夫城後防值搏率好低………搏唔過。

freezefox:講開CS，唔計曼城、車路士，大家可能會寄望主場對水晶宮既卡迪夫城可以一搏。話哂有主場之利，水晶宮又出名攻力薄弱。但要小心，今季卡迪夫城打左三十幾場波，先得4場有CS，CS 率係12.5%，低到無可再低。而且4場CS，全部和波。全部0:0 。如果你係買佢既籠既話，賺左個5分CS 既同時 .. (2014-04-03 16:05) 

咁點解你上週搏vorm架

myrmidon:咁點解你上週搏vorm架 [表情] (2014-04-03 16:26) 

史雲斯同卡迪夫唔同.....
卡迪夫既數據老狐都分析埋比你聽
完全搏唔過的

myrmidon:咁點解你上週搏vorm架 [表情] (2014-04-03 16:26) 

你都識講，都係「搏」架咋。而且上周黎講，一，我無錢，好窮；二，其他場次無一場比到信心我。反正要搏，搏個最平架囉。我個構思係，搏唔到CS，搏到個WIN，執番幾分。都有賺。

而且，講數據，史雲斯比卡迪夫城叫左好少少咁囉。全季到宜家為止都有7次CS（上場計有6次）。7次CS 6 次係WIN！三個幾既籠門搏一搏，睇下可唔可以單車變摩托囉。

我好大機會搏，因為我個卡迪夫城龍只係1.xx, 就l算佢零分我都收貨∼

麻凡:我好大機會搏，因為我個卡迪夫城龍只係1.xx, 就l算佢零分我都收貨∼[表情]  (2014-04-03 19:49) 

呢個個別事件唔評論啦。

Aston Villa V Fulham
Hull V Swansea
Norwich V West Brom
Tottenham V Sunderland


如果真係諗住以小搏大，上面呢幾隊既籠都可以考慮。當然我係講主場個隊。

其中最值搏應該係維拉巴特古辛吧。主場對富咸，三個幾既身價。至少我地唔駛擔心佢會比人大炒負爆分先。富咸對上十場波，加加埋埋先入到九球。三場零入球，五場入一球，偏偏係曼聯同利物浦身上反而各取兩球。即係話，同D 中下游球隊磨既話，佢多數都係一球起半球止既球隊。作客表現尤其差。可以預計，今場好大機會係0:0 、1:0、1:1 之類既賽果完場。主隊入球可以加上去。客隊就係0同1 之間揀。即係話，買維拉籠既話，負分機會較微，拎三幾分回本機會最大。一個唔該好似上場禾姆咁刀仔割大樹咁就發囉。若然要以小搏大，就搏呢場啦。

不過請記住，你可以三蚊買個籠門，一定有D 野。維拉本身都係唔多掂。近十場波，除左離奇地係主場1:0 小勝車仔，同作客0:0 摸和卡迪夫城外，場場有失波！而且失球數字驚人。10場波失左19球。即係幾乎場場要失兩球先甘心。咁既籠門同防守，買左都要擔驚受怕。搏一場半場好啦。買多場我驚你賺埋賺埋唔夠輸呀。

如果你諗住維拉唔隱陣，想搏候城？咁你仲更加淆底。

史雲斯防守的確唔多掂。但進攻真係唔錯。近十場波，除左作客西咸個一場無波入外，場場有波入。仲成日數對手三球。甚至對住強隊如愛華頓、阿仙奴、利物浦，都有能力取得兩球甚至三球既入球。十場賽事總共攻入18球！場場有1.8球既進賬。而且，入球不分主客。作客主場入球一樣咁多。不分上下！對住隊咁既球隊，你買佢對家既籠門，真係同賭大細無咩分別。可能仲衰過賭大細！候城防守只係一般，近十場波只得三場有CS，總共失12球。唔係話好差，但就係比唔到信心人。係呢個前提下，如果你仲有KEEP 住禾姆既，可能用禾姆仲好。因為侯城攻力比佢防守力更加不濟！近十場波，足足有4場係入唔到波既。3 場入一球，兩場入兩球。只有一場大炒對手卡迪夫城四球。總入球數字只有11球。卡迪夫城應該好難同史雲斯比較吧，即係話，唔計呢場既話，9場波佢先入得7球，一場波入唔到0.8球。係呢層意義上黎講，買作客既禾姆可能比買主場既MCGREGOR 仲更加安全。你買MEGREGOR，隨時一個唔覺意比人炒三粒，負到你暈。買禾姆，搏輸左，可能都只係1:1 完場零分收工都未定。

有D 球隊，作客主場無咩大分別。但有D 球隊，作客主場兩個樣。諾域治就絕對係呢類球隊既表表者。主場龍就作客蟲！一天一地。近十場波，4 場CS，CS 機率一D 都唔低。有4成。但失球數字卻去到，16 球之多。即係場場要失1.6 球，呢個係一個幾差既數字。但如果你分開主客睇，個數字仲驚人。近五場主場，4場CS，唯一一場無CS 亦都只係失一球咁大把。個場都係1:1 打和。即係，只計主場，CS 率去到八成！主場不敗！作客就完全兩回事囉，五場全部輸哂，場場失波！五場比賽足足失左15球波。即係場場要失三球。所以，今場主場對西布朗，其實搏得過。

不過西布朗都幾神經刀的。近十場波只有兩場係入唔到波，分別係作客侯城同主場對曼聯。其他又係場場有波入。其實西布朗近況極差。十場波，和左五場輸足四場，得一千零一場WIN！但偏偏，場場都有齋開。即使係對住車仔、利記、愛華頓都有波入。雖然多數都係絕地反擊，入個一球咁大把。但就係咁攪到對手無CS。

可惜既係，魯迪身價要成六個幾七蚊。如果最後搏個1:1 賽果出黎，真係本都回唔到。咁既價錢，加多一蚊可以買洛厘斯，我諗大家都寧願買熱刺多過買諾域治了。雖然諾域治既主場優勢真係好明顯。

KeL:史雲斯同卡迪夫唔同.....
卡迪夫既數據老狐都分析埋比你聽
完全搏唔過的 (2014-04-03 17:24) 

我真係成日搞錯呢兩隊波