鬼影炎光:其實你係唔係唔明我講緊咩....
我只係想話, 既然YFF有咁多問題...你地又咁多投訴, 點解仲要繼續玩?
攪得差, 又要玩...你唔覺得好怪咩......?
.......
(2014-10-21 16:56) 
點會奇怪？同類情況唔係一直係我地身邊發生緊咩？
TVB 節目都係一路睇一路比人鬧架！唔係咩？你可以話，睇得咁辛苦不如唔好睇。咁事實的確有人選擇唔睇，改睇美劇，睇韓劇。但仍然有人選擇睇，因為佢可能無其他選擇了。返到屋企，悶到發荒，一路睇一路鬧好過悶爆。
變型金剛拍到第四集，愈拍愈爛。愈拍愈不堪。所以有人選擇唔睇。但同時，仍然有人選擇睇。因為都睇左頭三集了……唔爭在睇埋第四集。都係個人選擇者。
香港政府愈黎愈不堪了。我地日日係到鬧，佢就當我地唱歌。所以，有人選擇離開。移民！但更多的人選擇留低。每個人既原因都唔同。有人係因為根本無選擇，無錢攪移民！有人係因為愛香港，香港變得幾差都願意留低，希望總有奇蹟發生。人人選擇唔同。
呢個遊戲，有D 人玩左超過十年。有好多回憶，有好多不能言喻既感情。有人選擇唔玩，有人選擇玩落去。各有前因。有咩出奇？對呢個戲，愛之深，自然恨之切，好合乎常理。玩得唔開心，但仍然玩落去既人，一定有佢地既原因。你唔認同呢種原因，無問題。你自己決定玩定唔玩。但點可能否定人地玩落去既選擇？！豈不怪哉？
正如，如果有一日有人問你：「喂！你上好友上得咁辛苦，樣樣都睇唔過眼，個壇又死下死下，鬼影都無隻，你上黎做咩者？」我估你既回答都係好簡單一句：「我上好友關你鬼事呀？要你管？」
[ 此帖被freezefox在2014-10-21 17:28重新編輯 ]
