[版主任命]考慮辭去球壇新聞版主 [復制鏈接]

大家都知道我同某一位會員發生磨擦
今次事件令我反省自己作為版主不夠客觀持平
原本我想改變風格留任，但由於該位會員苦苦相逼
仍然視我所有言論係針對佢
所以可能我已經唔適合再繼續擔任版主一職

至於何時離任，取決以下情況

一、如果管理層認為我係失職，咁我可以即時離任
二、如果短期內未能招聘新版主，我可以留任至今個轉會窗完結(1/9/2017)，期間負責尋找新版主

擔任版主以來，雖然可能好多方面未能盡善盡美
但自己確實盡心盡力
自問有即時分享所有最新消息
轉會消息準備度甚高
亦有盡力回應會員提問
我問心無愧

因為發生今次事件
本人感到相當遺憾
不過能夠曾經得到老狐、迪神、上任版主威哥以及各位版主和好友的信任
為好友出一份力，本人感到十分榮幸

希望之後仍然可以其他身份與大家互動，感謝大家的體諒及支持
想真心同大家講一聲，多謝!

好小事咋，唔係辭職咁嚴重下化

迪神:好小事咋，唔係辭職咁嚴重下化[表情]  (2017-07-02 00:18) 

我承認某個post既回應係牽涉左個人主觀因素
一直以來，我有諗係咪作為版主需要更加避忌
但我又覺得唔應該礙於身份放棄同大家互動
所以我都有繼續發言

我知道我滿足唔到所有人
但如果有會員不停覺得我專登留言寸佢
甚至覺得我濫用職權向佢作出報復
(事實上根本唔係新聞區)
咁我做咩都冇用
我唯一可以做係辭職
免得被佢繼續狙擊
影響論壇運作

可能我冇注意啦
我同佢有磨擦之後
留言既態度唔應該用咁"開玩笑"既手法
但實際上稍早我已經就轉會窗截止一事作出解釋

至於我係咪針對佢
我唔再作任何解釋
大家自有公論
但該名會員又有冇過份敏感?
佢所展示既態度係點呢？

當然，我作為版主
依件事發生我一定有責任
我唔介意繼續做
但我本人被質疑濫用職權
依個指控實在太大
我唔想影響論壇既形象
辭職可能係最好解決方法

其實我都覺得好小事
大家做咩傾轉會新聞傾到又走又辭職......

我完全唔明白發生咩事。點解私人既爭辯會關版主職務事？兩人個私底下有咩意見分歧，唔涉及壇規板規，我地一般都唔會特別處理，頂多係勸下交。我睇唔到點解會發展到要辭職。

我想問，如果你公司有個同事有一日同你嘈交，然後彈左句：「你識唔識做野架？」之類。你係咪跟手就會因為呢個人既呢句話而辭職？係既話，咁我無野好講。




原來我地既版主職務係大家眼中係如此兒戲之事。鐘意就做，鐘意既棄之如敝屣。 咁無價值既野，又真係唔需要珍惜既。

freezefox:
我完全唔明白發生咩事。點解私人既爭辯會關版主職務事？兩人個私底下有咩意見分歧，唔涉及壇規板規，我地一般都唔會特別處理，頂多係勸下交。我睇唔到點解會發展到要辭職。
我想問，如果你公司有個同事有一日同你嘈交，然後彈左句：「你識唔識做野架？」之類。你係咪跟手就會因為呢個人既呢句話而辭職？係既話，咁我無野好講。
.......

另一位主角暫時拒絕現身
就算上水，佢肯同我講和？
宜家個情況就好似係我利用職'權專登逼走佢咁
我唯有咁做以示清白

冇人諒解我既處境。。。。唉

我唔care版主職務做咩成日update
走去兩三點出post?
你可以話我同人溝通有問題
但話我冇認真看待版主職務同不負責任
我絕對唔會認同

羅力亞:另一位主角暫時拒絕現身
就算上水，佢肯同我講和？
宜家個情況就好似係我利用職'權專登逼走佢咁[表情]
我唯有咁做以示清白 (2017-07-03 09:51) 

現唔現身係佢個人自由，尤其早兩日係星期六、日，又無波睇，上黎做咩？

就算現身，如果佢認為佢冇必要同你「講和」，咁我地都無辦法架喎。而且，講唔講和，係你兩個人之間既事，關論壇咩事呢？又關你個版主職位咩事呢？


如果你想同佢講和，化解呢場不必要既誤會，我覺得有更加多更加好既方法。你係辦公室開個辭職TOPIC，試問邊有人會係咁既場合同環境同你坦誠和解？得罪講句，你用左一個唔太明智既方法去處理今次呢件事。一個唔該，外面真係會有好多人會以為你利用辭職呢件事黎迫佢走的。到時你就水洗都唔清了。

路過.

你不需要/ 亦沒能力令每一個人都開心

每一個人都會盡量持平, 有少量主觀因素實是人之常情

你對新聞版/ 好友真係好重要

無需要因為少少挫折就放棄。 如果係咁, 就冇人有資格做球證/ 從政。

本來就係一件芝麻綠石既小事，雙方都只不過係言語之間既誤會。文字上有時就係睇唔到語氣。有誤會唔出奇。佢覺得你串佢，你又覺得佢串你。串黎串去，搶白兩句，有幾唔閒。至少我睇唔到雙方有咩好嚴重既傷害對方既說話。

呢D 事情，一般過兩日啖氣落左，就無野架啦。又或者，搵個機會，大家吹番兩句水，化解不必要既誤會。就無事架啦。男人老狗，唔駛咁老套者。係論壇，無同人嘈過先奇者。嘈兩句，有咩大不了。



但你將佢「升級」到辦公室，變成辭職咁大件事，就反而小事化大。宜家全世界望住，佢又落唔到台，你又落唔到台。大家都唔比大家有落台階，咁點收科先得架？點係兩位都打算離開好友了，都無謂浪費時間係呢到了。咁我無說話好講啦。反正個壇都係等摺，早日離開都係明智既。

freezefox:現唔現身係佢個人自由，尤其早兩日係星期六、日，又無波睇，上黎做咩？
就算現身，如果佢認為佢冇必要同你「講和」，咁我地都無辦法架喎。而且，講唔講和，係你兩個人之間既事，關論壇咩事呢？又關你個版主職位咩事呢？
....... (2017-07-03 10:01) 

咁等佢上水lor
佢一日唔出聲，咪者係對我最強既控訴

羅力亞:我唔care版主職務做咩成日update
走去兩三點出post?
你可以話我同人溝通有問題
但話我冇認真看待版主職務同不負責任
我絕對唔會認同 (2017-07-03 09:58) 

既然你咁重視版主既職務，就更加唔應該輕言辭職。


就等如你同個女仔拍拖，你都唔會一嘈交就叫分手啦係話？邊個拍拖會無嘈過交？嘈完交冷戰一輪就實有架啦。過左啖氣既無事囉。但你一開口就分手既話，就傷害既雙方既感情。亦都封左自己同對方既退路。你郁D 就喊分手，你叫個女仔點先？

freezefox:本來就係一件芝麻綠石既小事，雙方都只不過係言語之間既誤會。文字上有時就係睇唔到語氣。有誤會唔出奇。佢覺得你串佢，你又覺得佢串你。串黎串去，搶白兩句，有幾唔閒。至少我睇唔到雙方有咩好嚴重既傷害對方既說話。
呢D 事情，一般過兩日啖氣落左，就無野架啦。又或者，搵個機 .. (2017-07-03 10:10) 

咁你咁講，我都冇補充了。。。。