[日本]不爛尾的好友遊記 ：宮古島之旅 [復制鏈接]

好友遊記絕大部分都係爛尾的。這是好友的傳統（ ） 。 所以今次我想出一篇不爛尾的遊記。希望係呢段艱難既日子，都分享下一D 無咁令人嬲嬲豬既閒情「日誌」。以下落黎我會介紹既，係沖繩既一個外島 -- 宮古島。


宮古島係沖繩眾多外島既其中一個。 以往要去玩，一般都會係沖繩本島搭內陸機過去。但始終都唔係咁方便。所以一直唔算係香港人既旅遊熱點。 今年 HKEXPRESS 開左條直航。情況即刻唔同哂。 由香港飛過去都只係兩個鐘既時間。同你過澳門都唔相差太遠。係航班少D 咁解囉。不過幾百蚊機票＋兩個鐘就可以飛到呢個沙灘同水質都同馬爾代夫有得揮既世外桃源，暫時逃避世間既紛紛擾擾，其實都真係幾抵的。 留意，宮古島只係沖繩既一個外島，仲要係好細個種，你千萬唔同拎佢黎同沖繩比。無論係旅客設施，購物娛樂，各方面都完全無得比。你要當佢係一個岩岩開發既避世小島，鄉間小鎮 。不過，係巿中心，你都仲搵到麥當奴同MAX VALU 呢類野既。 又唔駛太擔心。但坦白，如果你唔識開車既話，就真係無謂揀呢到了。除非你打算屈係酒店幾日，日日玩水曬太陽，邊到都唔去，咁就另計。

順帶一提，我去個陣係十月頭。我一直以為十月係去沖繩最佳既日子。因為避左七八月既大旺季，酒店價格會大幅下降。亦會較少遊人。又避開九月既颱風季節。無咁易遇到打風。氣溫方面， 不會熱到跳舞 ，但落水亦不覺冷， 仲係十分適合潛水。所以我上年就去左石垣島，今年就揀左宮古島。   但隨住世界氣候大變，呢個諗法都可能唔通了。 我十月初去既，去之前個個星期，宮古島正正被颱風橫掃，掃到應一應。好好彩， 我去既個星期就日日天晴。 但之後個個星期又有一個風打到黎（就係之後掃到關東一帶七個一片個個風）。 然後，執筆（執鼠？）之時，又有兩個風打緊黎。係呀，兩個呀！打得成架話 ，十月就前前後後打左四個風⋯⋯⋯ 你都咪話唔誇張。 下年再去既話，可能要考慮 11月先出發了⋯⋯⋯


宮古島其實係一個統稱。正式黎講，佢係由三個大島，三個小島所組成。三個大島分別係下地島、伊良部島，同埋宮古島。 三個小島就分別係池間島、  來間島同埋大神島。 除左大神島外，三個大外島同兩個小外島全部都有跨海大橋連接。 而呢幾條靚到震既跨海大橋，亦正正係宮古島既特色景點！我地搭飛機降落既，並唔係宮古島機場，而係下地島機場。所以，我地第一個景點，就係由下地島開車去宮古島時，所經過既伊良部大島。亦係宮古島幾條跨海大橋中最大、最長、最靚個條：

freezefox:宮古島遊記正式結束。最後送上係 與那霸前濱海灘既一張相：
[圖片]
 (2019-10-29 11:40) 

呢張堅正,

希望大家繼續自由自在,

同埋玩多D

stand with hk, fight for freedom, thank you!

宮古島遊記正式結束。最後送上係 與那霸前濱海灘既一張相：

最後要提既，就係宮古島第一沙灘，亦係日本十大沙灘之首， 與那霸前濱海灘。 呢到係全宮古島最熱鬧既沙灘，好多人黎玩水上活動。亦有得浮潛。我地當日差唔多 五點幾先到，大部分遊客都離開了。少左一份熱鬧，但反而可以感受下佢既寧靜安逸。

呢到水清沙幼就梗架啦。浮潛仲可以見到海龜。仲要送上一條來間島大橋既前景作點綴。無得頂呀！

去宮古島，無可能唔可沙灘。因為日本十大沙灘，有三個都係宮古島。 以下就係其中一個，砂山沙灘。 不過當日遊人比較多，但其實個沙灘好細（唔知係咪因為退潮），加上最著名既岩石拱門（即係好似沖繩萬毛座個款）修輯中，圍住哂，大剎風景。所以都無咩點影相。呢兩張航拍角度同高度都不甚理想，拍唔出沙灘之美。 可惜。

上面講左西平安岬，其實就係宮古島西北面既另一條超長海岬。又係有個燈塔之類。唔知點解，好似無東平安岬咁出名，咁多人識。但我個人認為西平安岬比東平安岬更靚更特別：




不過可能無佢咁長掛。同埋，絕大部分既旅行團係唔會行到我地宜家身處既呢個地方的。即係最出既海岬岩石帶。多數只會停係停車場附近，係個咩鬼瞭望庭到遠遠望過黎就走人的了。我估計係因為要行到呢到既話，途中全部係尖石群，無一條正正經經既石屎路。唔方便扶老攜幼既旅行團。但正正因為咁，我地自由行既旅客行到去最出既海岸線附近既話，就絕對可以獨享美景了。話之佢出面泊面幾多大巴都唔關我地事了。




不過，山勢險要。尖石滿途。大家都係要小心D 好。我就係因為無準備好，踩住拖鞋行入去，唔多唔少都劃花隻腳少少。



不過個景的確係無得彈。 都係個句，有航拍會更清楚其優美之處。

好，攪掂埋D手尾，個「不爛尾遊記」就正式埋尾了！

宜家等我介紹下宮古島幾個熱門旅遊景點。講得熱門，即係係旅行團都會去。你預左實會撞到一車車既旅遊巴載住一車車既遊客到訪。所以，一係你就早早出發，避開人潮。一係你就係個景點到坐耐少少，等人潮離開。一般大巴同大巴之間都有少少時間空隙既。即係，呢批走左，下批黎到之間，好彩都會比你撞到「真空期」。咁咪可以影到D 無咩人既靚相囉。


第一個景點係位於宮古島東南最篤既一條細長海岸線 -- 東平安岬！仲有個燈塔係到架。



我地個日係星期五，去到已經係下午四五點黃昏時間。唔知係咪因為咁，所以無咩遊客。一架旅遊巴士都無。私家車都係得個三幾架。成個東平安岬既遊人加加埋埋都唔知有冇十個人。 好寧靜。






不過同一般地形景點一樣，你置身其中個陣，其實你係睇唔到佢有咩特色的。真真正正不知盧山真面目。呢D 地形景點，都係要遠遠望過去先見到真貌。不過宜家我地有航拍，方便多了。整張全景圖睇睇：



係咪好有趣的海岸線呢。 宮古島好多呢類成條尾巴咁款既超長海岬。之前睇既池間島大橋既連接海岸都係。一陣會POST 既西平安岬亦是如此。

freezefox:唔關事。水唔夠深當然唔會見到好多大魚。但仙魚、蝶魚呢類珊瑚魚都仲生存到的。你見到我連鯊魚咁大條都見到了⋯⋯⋯有咩理由小丑、多莉個D 反而無？ (2019-10-25 15:28) 

唔通比鯊魚食哂?

sun:D深海魚好似要有一定既水壓先可以生存, 所以太淺水, 即使夠多珊瑚都未必會多魚, 係咪呢? (2019-10-25 13:02) 

唔關事。水唔夠深當然唔會見到好多大魚。但仙魚、蝶魚呢類珊瑚魚都仲生存到的。你見到我連鯊魚咁大條都見到了⋯⋯⋯有咩理由小丑、多莉個D 反而無？

sun:我唔太好海上活動, 比我食下, 訓下, 有咁既靚景都夠哂啦...... (2019-10-25 12:58) 

唔好海上活動咁呢類地方就唔太岩你了。 因為其他方面既配套唔算好多。 變左無咩其他野好做。

sun:2粒鐘已經有咁既view, 幾舊水, 真係當去轉澳門, 分分鐘洗費仲平.......
我個住東京既朋友講, 佢話而家房價已經比之前貴左6倍了, 之前5000日元已經得,
而家係3萬.......不過唔知佢講係咩房........
....... (2019-10-25 12:56) 

熱門地點，熱門酒店就會貴D 囉。 你住近地鐵站、火車站咪又貴D 囉。


不過宮古島D 酒店都算幾貴。我搵到兩間係一千蚊樓下既，環境、質素算係唔錯 。然後一跳就跳到二千尾三千頭。再去就四千幾五千。無哂中間個D。即係千零蚊至二千零蚊一晚個D 。

即係，一係你就平一平。一係你就貴一貴。無中間路線⋯⋯⋯

sun:呢個情況我都試過, 即使你部機好靚, 算專業都唔會影到咁靚既星星,
因為天要好黑好黑, 先可以見倒好多好多星星, 但天咁黑又吸唔倒光去影,
所以係現場睇係超級感動果隻, 能夠影倒咁, 都真係好勁架啦........
....... (2019-10-25 12:52) 

你要SET 腳架，推高少少個ISO ，然後曝光20-30秒。就咁影當然係影唔到。

當然，SET 機之外，客觀環境都係原因之一。 光害係星攝既大忌。另外，滿月又係另一個大忌。

當然，多雲既日子你都唔會影到好靚星河。

所以星攝都係一門學問。至少你要具備一D 天文知識。

sun:呢條咁長既橋, 有無氹仔10倍咁長呀? (2019-10-25 12:47) 

兩分鐘行完既橋會有幾長呀？

[quote]sun:

但同時，沖繩係全日本交通意外失事率最高既地方。