[電視劇]Netflix討論區 [復制鏈接]

羅力亞:https://www.netflix.com/hk/browse/genre/11714
try try  (2020-05-05 15:24) 

掂!

迪神:掂![表情] (2020-05-05 15:27) 

麻凡:正如我之前所說，我不喜歡第一季劇情的走向，謹慎聰明的教授忽然兒女私情的低級錯誤是我不喜歡的，不過第三季的一句"我的名字是里斯本"，又令我從新對這個劇有興趣。繼續追吧，這套劇內容其實仍然很多範駁，但節奏內容真的有別於我們看開的英美韓劇，劇情反轉也算ok,&n .. (2020-05-05 03:38) 

去到第二季（未睇哂），呢個問題真係愈黎愈嚴重⋯⋯⋯


老老實實，我都頂唔順呢段劇情。真係好 TVB⋯⋯⋯即係，好膠⋯⋯⋯

第一季末段教授同指揮官走埋一齊都仲可以講係意外，被迫的。所以無選擇下都要犯險。再睇佢點樣險中求勝，扭轉局勢。都仲可以接受。

第二季佢係咁約會個指揮官，係咁將自己同成TEAM 人置身危險當中，就真係自己羅黎衰。好低級既犯錯⋯⋯⋯ 好無謂。

佢個責任唔係係外面𥄫實成個大環境既咩？ 入面成班人係封閉架嘛。對外面一無所知架咩。就係靠哂佢一個宏觀全局架啦。佢成日擅離職守走左去溝女，點講都講唔通啦！



其實個指揮官一樣， INCHARGE 一單咁大單既案件， 點解可以成日走左去，又飲咖啡又食燭光晚餐，仲要攪埋野，過埋夜，頂你生活得仲悠閒過我。

第二季真係一睇到佢兩個既橋段就想熄機訓教⋯⋯⋯

當然，我唔否認，如果個女主角 係一名靚女，而唔係呢個阿嬸，個情況可能無咁惡劣。

咪係囉，用左咁多時間心血既策劃，驚動全國既案件，每一秒佢d 同伴都有生命危險，佢呢d 低b 行為根本就唔應該會發生，幾愛都無可能，而且個大嬸佢只係識左幾日，真係愛到咁？！
所以我拖左好耐，見佢一季又一季，竟然去到第4季咁受歡迎，我先肯再繼續睇埋佢~

睇埋個特輯"紙房子現象",  原來紙房子本來在西班牙本土收視下滑到要腰斬，當地的評價係一套失敗的劇集。後來netflix 買左版權在全球播影，跟住就突然係海外爆紅，而家係世界各地反應似乎好誇張，仲有d 似V煞咁係人民革命的象徵~~

P.S. 教授應睇越似謝天華~

麻凡:睇埋個特輯"紙房子現象",  原來紙房子本來在西班牙本土收視下滑到要腰斬，當地的評價係一套失敗的劇集。後來netflix 買左版權在全球播影，跟住就突然係海外爆紅，而家係世界各地反應似乎好誇張，仲有d 似V煞咁係人民革命的象徵~~
P.S. 教授應睇越似謝天華~[s .. (2020-05-15 01:31) 

竟然有個咁既故事？咁真係好戲劇性喎！



P.S. 我覺得教授似後生既高普

freezefox:竟然有個咁既故事？咁真係好戲劇性喎！
....... (2020-05-16 12:28)

真係好戲劇性，訪問d 演員，佢地本來諗緊有無得拍多季，點知本土形容為失敗的劇，佢地好失望，當然都被通知重組無望，到netflix 買左版權佢地都無期望了，畢竟已經受到太大的輿論打擊，點知係幾日間，佢地突然受到全球關注，個人社交平台由幾百關注變幾萬甚至幾十幾百萬，netflix 跟住約談拍新故事，由地獄上到天堂。新故事在幾個不同海外國家取境，去到邊度拍攝都萬人空巷，唔知自己的知名度已經咁誇張，由西班牙失敗了的小演員到全球知名，所有演員同拍攝人員都唔識反應同處理。演員受到擁戴同歡迎，佢地最初係好開心，好興奮，覺得自己似係披頭四，後來因為反應太熱烈，拍攝都出現困難，好多時被圍到走唔甩，跟住慢慢由開心變成擔心，甚至有d 恐懼。
當然多左經驗就知點處理，第三季後更順風順水，獲得很多獎項，包括艾美獎，各演員的fans 人數到而家仍在增長，整個班底台前幕後而家都大把job~~

係第一季播出時發生？

freezefox:係第一季播出時發生？ (2020-05-16 15:36)

第一及第二季
第一，二季故事係皇家造幣廠。是一開始西班牙本土收視唔掂的兩季。
之後突然全球大hit,  Netflix 再邀約拍新故事，第三及第四季就係講呢個新故事，西班牙銀行，仲未完，肯定有第五季。

其實當你睇完哂4季，你可以睇返個特輯，咁會清楚d,  但記住完哂4 季先喎，因為個特輯有劇透~

麻凡:第一及第二季
第一，二季故事係皇家造幣廠。是一開始西班牙本土收視唔掂的兩季。
之後突然全球大hit,  Netflix 再邀約拍新故事，第三及第四季就係講呢個新故事，西班牙銀行，仲未完，肯定有第五季。 (2020-05-16 17:05) 

咁係咪代表西班牙人既品味同全世界都唔同？

freezefox:咁係咪代表西班牙人既品味同全世界都唔同？ [表情] (2020-05-16 18:31)

我諗佢地收視下跌的原因，係同我地都分別頂唔順果一段劇情，即係第一季尾段同第二季初段，用太多篇幅講教授同阿嬸呢段唔合理既中年情，佢地每個星期追，觀眾流失左就好難返轉頭。更致命係因為收視下滑，第二季尾果幾集，當日西班牙大幅刪剪，五碗水煲埋一碗，捱過左中年之戀，之後竟然迎黎支離破碎既尾聲，唔開汽水就有鬼。
Netflix 的形式唔同，可以隨時睇，仲唔駛個個星期等，比較容捱過果一段，而netflix更係完整上碟，尾部無斬件，而之後其實係高質既，有左口碑d 觀眾就更加會期待，更易忍受中段睇到尾~