抄返過黎先：
其實上網都搵到好多什麼netflix 推介，netflix 十大等等資料，你可以去參考下。
Netfilx響朵係紙牌屋，如果你未睇，呢套都有排追。
仲有會係"十大"一定會出現的一定係怪奇物語，當年我都係因為呢套劇申請netflix, 其他"十大" 的應該不外乎雨傘學院，安眠書局，x 你的世界沒日，指定倖存者，王冠，性愛自修室，紙房子等等，你根據呢d 名單應該有排睇，另外好似老狐話齋，韓劇都有排睇，李屍朝鮮，愛的迫降，梨泰院，金師傅...等等
我自己都推介一些啦，本人在netflix 最最最愛的係breaking bad, 係我認為史上最好睇既美劇，除了主角教科書級別的精采演技外，最大原因係劇本完整無爛尾，強如GOT 都衰係呢方面。
不過呢套劇一早在我未有netflix 已經追完，可能你都睇完，咁就算了，但netflix 有套"絕命律師"，算係breaking bad 的外傳，而家做緊第5季，都ok 的。
其他未必在"十大"的推介~~
劇：
Dark (德國劇), 非常燒腦的一套劇，野心唔少，我睇既時候係要做筆記的，屋企多人時唔好睇，集中唔亂死你。
8 sense, 同樣屋企多人唔好睇，因為太多床上戲，仲要唔係普通床戲，男男，女女，雜交等等...
The haunting of hill house, 恐怖驚悚種類。
呢套劇好有意思，我本來唔太睇驚悚戲種的，唔係賣核突就賣聲效，我又唔會嚇親，大部份覺得浪費時間。但呢套劇好有意思，我本來睇完頭三集無睇，以為又係傳統驚悚戲，半年後有朋友極力推薦我睇，於是我又重新睇過，用心品味，果然好睇，故事很用心，佈局也不錯，用驚悚片包裝，其實主要想講各種講人心人性，命運選擇等等...
俄羅斯娃娃- 派對迴旋
無限復活的橋段，本來以為呢d 已經玩到爛的輪迴片種，點知呢套劇係呢d 橋段內仲可以拍到新鮮感出黎，節奏明快，唔靚的女主角賤咀式的演繹也一絕，好睇的。
碳變，劇情我唔太喜歡，但背景設定及世級觀一流，可以一看。
小鎮滋味， 輕鬆笑片，cult cult 地，無乜人講，最新一季仲突然不被續約，遙遙無期，不過我幾鍾意，想笑下可以試試。
動畫：
愛·死·機械 人，好多集，集集無關連，每集都唔同動畫師唔同風格，有d 係像真度極真的真人cg, 有d 係日本式的，主題都係圍繞末來，機械，科技等，全部18+的。
瑞克和莫蒂，美國瘋狂科幻動畫，講兩爺孫的冒險，好好笑，又係18+的。
隻手探險，電影，已獲不少國際獎，入圍奥斯卡，我幾喜歡。
所有宮崎駿電影，唔駛講野，返睇啦。
紀錄片：
Winter on Fire
國王的豪華音樂節
Final table
所有bbc紀錄片
