下面是引用Presto於2006-01-28 13:53發表的:
上年有段時間安歷卡受傷
科拿果陣打得唔錯架
唔係唔錯，係非常之咁好。
佢同安歷卡根本無得夾。佢又唔係上腳型。佢強項係把握力 同埋門觸角夠強。一定係推上去打最前個個。安歷卡懶到死，永遠係企係到等波個個。兩個都等人餵……邊個餵？所以安正卡傷左後，佢打算最前個個，有施比斯基頭槌後上攻門或二傳，佢門前執雞既機會就大好多。
若然科拿打得翻個段時間既水準，利記就執到囉。利記欠既係埋門個腳。高治二傳比攻門佳。佢野野都可以頂到，但好少頂到球有威脅力既。所以二傳更好。咁門前埋伏一個有把握力既鋒將，當然係最佳既配搭。同科拿係曼城夾施比斯基可謂異曲同工。呢樣，原本諗住摩連迪斯要做架嘛。但傷患同狀態都令佢係呢方面表現未如理想。
若然科拿黎到，可以係一段時間內填補呢個空缸，咁未嘗唔係一個好既替補選擇。點都好過出cc。
只係，我地仲可以要求科拿交出呢個水準既時間有既長？有幾多個舒寧咸哎……
