The Athletic報道，車路士Barclays信用卡已經被停用，無法為隊巴入油，意味球員可能要自駕，踩單車或者行路去比賽。之前杜曹講過只要隊巴有油去球場仍然會繼續比賽，或者呢個就係英國政府回應。
而車仔今場主場對紐卡素，未開波已經四面楚歌。Telegraph報道，由於3UK停止贊助，但車仔所有波衫庫存都印晒3既商標，所以車仔可能需要用自己方法覆蓋3字。
而且英國政府限制車仔每場主場保安開支限於50萬鎊，但事實係車仔每場平均需要80-100萬鎊，導致今場可能要喺部份看台無保安看管，或者被迫關閉部份看台。比賽場刊亦將停止出售俾非訂閱者。
車路士一方正同政府談判，希望重新開放門票銷售，因為收益並唔會去到艾巴莫域治，只會用作凍結期間薪酬及其他日常支出，唔俾賣飛只會一方面令現金流更緊絀，另一方面亦懲�
@球迷 。車仔亦希望2萬鎊作客旅費可以放寬，因為2萬鎊連作客諾域治都唔夠，莫講歐聯作客賽事，唯一好彩係作客里爾行程已預先預訂唔受影響，但假設晉級就好大獲。
綜合The Athletic及Telegraph報道，英國政府已經同意喺政府監管下俾艾巴莫域治賣盤，而即使前提係一個仙都收唔返，艾巴莫域治個人亦經已同意將車路士「賣」盤，所以中間人Raine Bank已繼續招標程序，暫時有三個美國財團有興趣，賣盤過程預計4-6星期，艾巴莫域治會選擇一個買家，並同新買家一齊同英國政府申請第二個「特別許可」容許賣盤，賣盤錢將歸於英國。
#俾你去比賽呀不過冇隊巴
#俾你爭勝呀不過冇球迷
#俾球迷入場呀不過冇保安
#俾你作客呀不過要訓青年旅館
#唔生唔死既狀態
[ 此帖被羅力亞在2022-03-12 14:23重新編輯 ]
