◤紅軍研究所◢ - ☆ You'll Never Walk Alone ☆ 永不言敗！ [復制鏈接]

ＴｕＮｇ:買左gakpo都預左 [表情] (2023-03-03 22:00) 

X2, 明奴. 三箭頭將會走兩個了.  

無傷無事的話,

Diaz - Nunez - Salah
Gakpo - Carvalho - Jota

牌面係夠打, 但我真係唔佑Carvalho衰咩, 初初都幾多機會sub入黎, 宜家影都無, 場場齋坐.

熱刺, 卡數失分. 忽然聽日場波好重要, 面對大勇的曼聯, 勝多兩場的話有力上番第四!!

posouth:熱刺, 卡數失分. 忽然聽日場波好重要, 面對大勇的曼聯, 勝多兩場的話有力上番第四!! [表情] [表情] [表情]  (2023-03-05 01:34) 

贏到了。呢三分好緊要。 上前四希望重燃。

freezefox:贏到了。呢三分好緊要。 上前四希望重燃。  (2023-03-06 02:20) 

freezefox:贏到了。呢三分好緊要。 上前四希望重燃。  (2023-03-06 02:20) 

我諗住樣樣衰衰贏1:0都收貨, 結果贏凸咗          

今場前得失波曼聯係+13, 我地+12. 忽然間宜家曼聯+6, 我地+19

咩都假, 分數最實際, 佢地仲係lead緊我地7分, 同場數, 個差距仲係好多. 點都好, 上番第5, 呢個係一個月前諗都無諗過的反差!!

冷靜落黎, 其實今日係唔係7:0的表現? 肯定唔係. 完場時我心入面諗, 今日其實「正常」下, 可能係3:1或者4:2之類. Alisson控失球個下可以好大鑊, 比十二碼加紅唔係唔可能, 其餘仲有其他機會, 都無出事.

呢個係今日的xG:

Liverpool (2.91) 7-0 (0.92) Man Utd

今日打得最好的地方我覺得係揾番高壓戰術的節奏, 團隊咁搶迫, 比起上一兩場對水晶晶, 狼隊, 又再進一步. 入球黎講, 我覺得其中三球係實力(第一球Robertson比Gakpo, Henderson傳中比Nunez, 等等), 其餘幾球, 都其實好甩甩漏漏, 但次次又咁啱50-50波彈番利記人的腳下, 係好大程度的運. 比著第二日, 可能係鏟緊點解比波的準繩唔掂, key pass唔到位, decision maker差等等.

總之, 今日贏係實力, 但大比數贏係好好彩, 唔同上季4:0, 5:0果兩次, 係實力極大分野所致.

posouth:冷靜落黎, 其實今日係唔係7:0的表現? 肯定唔係. 完場時我心入面諗, 今日其實「正常」下, 可能係3:1或者4:2之類. Alisson控失球個下可以好大鑊, 比十二碼加紅唔係唔可能, 其餘仲有其他機會, 都無出事.
呢個係今日的xG:
Liverpool (2.91) 7-0 (0.92) Man Utd
....... (2023-03-06 11:14) 

其實上半場入波前，我唔覺得我哋有咩優勢（利申：由 第 25分鐘先開始睇。一開電視就見到般奴個頭槌攻門幾乎入咗）。

我哋係有改善既。最明顯係法賓奴！穩陣咗好多。SECOND 波都搶咗唔少。有佢係中間撐住，成隊波係真係唔同哂的。但又未至於話脫胎換骨個隻。

中堅有干拿迪搭住VVD，當然會穩陣好多。所以連帶兩閘壓力都細咗。但其實有幾次都比人劏穿咗的。 幫得返咁解者。



今場贏，一，係贏曼聯走哂樣。下半場出嚟好似第二隊波咁。 全隊人又無鬥志又燥。 尤其係般奴，好似有狂燥症咁。佢其實好影響成隊的表現的。

二，唔多唔少都有啲運。啲波比人截咗，解圍，彈下彈下又彈返落我哋腳下。 第二球沙拿出波係比人截咗啲。但又彈返去伊利洛腳下，再出球靚波。紐尼斯就有糊食了。 沙拿入既第一球，紐尼斯第一下傳送係比麥湯截到的，但又彈返去紐尼斯腳下，再傳第二次，今次麥湯直頭「助攻」沙拿，送到個波係佢腳下。對正個龍。當然，呢球唔易射。沙拿係射得好有信心，好有說服力。迪迪仔得個睇字，撲都無得撲。


如果，上半場福仔接應卡斯米路個球長傳，處理得好少少。先開紀錄既係曼聯既話，成場波就難打好多了。或者，最尾都會贏到都未定。但頂多都係 2:1 呀，3:2 呀呢類比數。唔會見到 7:0 呢啲歷史數字。

posouth:今日打得最好的地方我覺得係揾番高壓戰術的節奏, 團隊咁搶迫, 比起上一兩場對水晶晶, 狼隊, 又再進一步. 入球黎講, 我覺得其中三球係實力(第一球Robertson比Gakpo, Henderson傳中比Nunez, 等等), 其餘幾球, 都其實好甩甩漏漏, 但次次又咁啱50-50波彈番利記人的腳下,  .. (2023-03-06 11:24) 

所以，關鍵仍然係，中場要搵多個類似比寧咸既人黎較炮、駁腳。泰亞高係得既，但傷患太多。隊長⋯⋯係時候要淡出啲了。要做米拿既角色的了。

freezefox:其實上半場入波前，我唔覺得我哋有咩優勢（利申：由 第 25分鐘先開始睇。一開電視就見到般奴個頭槌攻門幾乎入咗）。[表情]
我哋係有改善既。最明顯係法賓奴！穩陣咗好多。SECOND 波都搶咗唔少。有佢係中間撐住，成隊波係真係唔同 .. (2023-03-06 12:38) 

X2. 不過要見到歷史性數字, 都要有返咁上下歷史性的彈下彈下運  

freezefox:所以，關鍵仍然係，中場要搵多個類似比寧咸既人黎較炮、駁腳。泰亞高係得既，但傷患太多。隊長⋯⋯係時候要淡出啲了。要做米拿既角色的了。  (2023-03-06 12:40) 

有時係要向大師偷師, 包括Klopp, 唔能夠唔輪換下, 場場/季季cher同一班人. Cher到29歳的Fabinho, 20頭的TAA都死.

By the way, 今場Robertson好出色, 能守能攻滿場飛, 右腳好少少的, 差D入埋波添

原來Salah利記咁多年, 領過5張黃牌, 其中4張係因為除衫.........

TAA賽後自拍一張放係instagram, 睇下邊個like佢? 自己演譯

成日覺得TAA係全隊最細個, 除咗今年上位的Bajcetic外. 但TAA其實都24歲了, 唔覺唔覺.  

睇番先發覺Nunez係23歲, Gakpo都係23歲. 仲後生過TAA

簽Firmino時係23歲, 簽Mane時係24, 簽Salah時係25.

Jota同Diaz宜家都係26歲.

有排玩, the next generation for Klopp