文： 黃興桂 06/12/2006
Peter一向都認為歐聯係世界上最引人入勝砼賽事，賽制集雙循環分組賽、兩回合淘汰賽及一場過決賽，匯聚全球頂級球星角逐，改制後發展得更加理想，難怪會成為球壇最矚目比賽。今晚分組賽煞科戰過後，其後上演砼抽籤又會令各界起哄，成為傳媒朋友同埋球迷談論話題，呢項賽事對推動足球運動確實有極大幫助！
莫帥賽前為賓菲加打氣
最後一輪賽事，戲碼非常精彩，皆因仲有好多出線席位懸疑，Ｆ組曼聯對賓菲加一戰成為焦點，Peter認為「紅魔鬼」唔會重蹈上屆覆轍，出線機會甚高。賽前車路士主帥莫連奴為賓菲加打氣，此舉不但冇挫敗曼聯士氣，反而激起班球員砼鬥志，爭勝決心更強。由於今場曼聯賽和亦可晉級，預計佢地唔會狂攻對手，投注策略宜兼顧和波。
ＡＥＫ雅典作客贏「德」
Ｈ組方面，ＡＣ米蘭一枝獨秀穩奪首名出線席位，今仗主場鬥里爾戰意平平，同組希臘球隊ＡＥＫ雅典有機會奪取第二名，今晚作客魚腩安德列治贏波機會甚高，平手盤可以秤先。至於Ｇ組波圖對阿仙奴，外界一致認為呢場會和波，但Peter覺得冇咁簡單，既然形勢唔清晰，倒不如唔好玩！
是日金句
歐聯係世界上最引人入勝砼賽事！
