真係信不信由你, 我信因為我覺得朋友同佢哥沒必要作古仔.
不過你地看故事前, 要將心態代入一個失業多時, 做左一排想頂埋收到份糧先走.....
又或者, 我有時唸, 當局者迷, 會不會黑仔的人, 他做的決定會給東西左右 或者易做錯誤決定呢.....
我朋友哥哥失業了一排, 去考了個實蕉牌, 搵到一座係 TM公路頭既大廈做夜更.
佢第一日新人, 有位同事帶佢行一次, 因為佢地要做看更既, 要係4點由頂樓每層巡,
至到地下.
新式大廈, 通常係 15層咁上下有一層係防火層.
第一日同事帶佢哥巡, 佢哥當時唔會意識係神怪野, 二人行到15樓.
佢哥見到一堆黑影. 佢傻更更問同事, 點解半夜有班人係度. 佢同事話佢唔好玩野.
到第二日, 佢哥要自己巡, 佢又見到一堆黑影. 如是者第三日第四日....
每天他都見到那堆人越來越清楚, 越來越近, 有老有少, 有濕身既, 有好似俾火燒既,
每日清楚一點點.
佢開始懷疑是否自己精神有問題, 不敢講出來.
直至某天佢已經好清楚見到靈體及在他身邊行過, 亦開始嚇佢.
據說如果係火燒那隻, 經過會感到熱, 如是者, 濕身的會寒.
D靈體開始嚇佢, 佢同上司講.
佢上司亦嚇佢, 唔可以講出來, 因為你既同事睇唔到. 而且我亦睇唔到.
做得呢行, 你如果揚出來嚇到住客, 你無可能係呢行立足.
佢哥更不敢說, 屈住好唔開心好怕, 所以佢只有在巡更前 SMS我朋友(即妹妹)
我朋友都有叫佢哥唔好做, 但佢哥總係下唔定決心, 想做到出糧.
有一次, 佢地幾座同事開例會, 有個同事A君守第二座既拉佢一面, 問佢係咩見到一堆人.
佢見到同志, 當然相認. A君說佢不嬲見到, 而第一日係度做已經見到.又問我朋友哥係咪一日比一日清楚. A君預言不止清楚, 而且會開始聽到聲, 最後同你講野.A君話, 其實佢地都係要一個 Shelter, 防火層無人住, 正好俾佢地一個 shelter, 但其實佢地係存在於任何地方.A君講, 因為佢不嬲見到, 而且佢有方法令佢地埋唔到身, 所以當佢地係一d難民算, 你唔會當難民係咩.佢叮囑我朋友哥, 如果當你可以聽到佢地講野, 甚至佢地向你有所求時, 例如俾我留係度之類,一定不要應承, 因為大廈唔係你既, 你唔可以應承佢任何野, 你話你打工咋.... .同埋點解佢地要嚇你, 因為佢地都要 protect自己. 當佢地知你見到佢地, 又唔知你會對佢地做咩, 佢地只有嚇你...... 先下手為強.(佢亞哥試過靈體快速閃到佢面前 close up, 又或者穿過身體)
某一天, 佢哥係天台巡, 見到一個長髮女背住 "mouse"係天台, 佢哥好驚.但基於職責, 唔知係咪真人人來, 跳樓就大鑊. 都要問, "小姐, 你住邊層....."那位小姐憂憂地答 "14樓" (無4, 14, 24樓) 之後真係如同鬼怪片咁180度轉個頭過來....佢亞哥就嚇到大叫去搵上司, 驚動左好多同事.最後佢上司就迫佢自動離職.............
我聽完就覺得.... 我將來買樓唔會買防火層既上下同埋頂樓....... =_=" (完了, 真係信則有不信則無~)
