引用第40樓雲佬於2007-05-04 16:42發表的“”:
換轉係你, 真係唔記得左都問清楚啦, 呢位老友同我講完個句說話調頭就行啦
未遇過真的唔知世界上有很這樣的人, 人對他好, 佢地習慣左, 就變左好似奉旨咁, 唔會記住你對佢地做過乜....
我對上一份工, 有一段時間和一班舊同事經常夜晚去大排檔食消夜, 我和另一個叫克仔的朋友是當中兩個經常負責埋單的人, 其實唔只晚飯, 有時lunch和下午茶都係我地兩個, 不過晚餐條數較甘而已....
我同克仔係冇乜所謂, 當時我兩都沒女朋友, 較多錢用, 都覺得只要大家食開心便好, 所以都比錢比得好落意....
唯獨有一次, 又係大排檔食晚飯, 到飯後找數時, 各人均一貫扮唔知, 一係去廁所一係扮傾計, 我又慣性拿銀包出來, 跟著我發現銀包只得幾十元, 我同大家說, 大家的視線便一致的都望向克仔, 克仔:"我都係得幾十..."
跟著竟然靜哂.......大家好似遇上什麼難題一樣, 你眼望我眼, 狀甚無助....
當然在場連我和克仔大約8個人, 其中一人更帶著女友~
我見到佢地的反應我開始嬲嬲地, 我話, 駛唔駛咁徬徨呀? 冇人有錢咩? 冇人出聲.....咁我又話, 咁夾錢啦~~
大家開始極不願意地夾錢, 但佢地好有默契的都係拿二十蚊紙出來, 我見佢中有女朋友的那個原本是拿一百的, 但佢女友輕輕拉了他衫尾一下, 他又改拿了20.....
根本就唔夠啦, 我即刻火滾大罵, 你班友, 平時成日都係食我, 而家叫你地夾錢, 出20? 有冇搞錯?!?
佢地竟然七咀八舌的都說, 你有幾可請呀, 咪三兩次, 果次邊次邊次我都試過出多左啦...等等等等....我大訝!! 三兩次?? 一星期都唔止啦!! 食你地就開心, 邊個找數你地唔記住???
佢地仍然覺得自己冇問題, 我便嚷道:”得！你地好野!!" 跟著我便轉身走人, 跑過兩條街etc按了一千元, 然後跑返來, 佢地當然地仍然坐著扮冇野, 我叫伙計過來找了數, 其間一句說話都冇同佢地講, 找完錢我便一言不發返屋企, 從此除了工作上的事不再與他們傾談~~~
