買人政策真係好有問題。
車仔係有能力買多D 合用既人（我講季初），但買番黎既，全部唔對辦反而次要。位置重叠，拖累埋原班人馬先叫救命！
上年艾辛買得好。相信好快可以取代馬基利尼。呢個時候，仲係咁買中場中做咩呢？引入波歷克我睇唔到有咩作用。米基爾更加唔駛講。攞佢黎比較下利物浦既施素高，你就知佢連加強後備力量都未必做得到。
相反，放走杜夫，車仔可以打翼既人已經少左個。剩番個D，都係出名易傷既。唔通摩頭會唔知？車仔既高層會唔知？但佢竟然無補充翼鋒既兵源。真係怪得很。
前鋒得一個杜奧巴。基斯普真後，唔通成季打單箭頭咩？係！引入S7！世界一級前鋒。可惜偏偏唔對版。就算對版。兩個前鋒邊夠用？卡勞？都只係後備力量。車仔需要多一至兩個一級前鋒。
中堅既殘缺，都係自己攞黎。放走加拿斯無問題。但唔補入適當既替補先係致命關鍵。可能佢地真係無諗過泰利會傷掛。以為佢真係超人掛。引入保拉路斯……都唔駛我講。
我反而唔明，點解佢咁唔信任保羅費拉拿，上季既迪賀奴，布歷治等等。我覺得佢地打得唔差架。
