丁偉傑講熱刺 [復制鏈接]

熱刺周中在雨戰下1-1賽和布力般流浪，已經安坐在司機位上，極有機會取得來季參加歐洲足協盃資格，因為在明日的英超煞科戲，只要熱刺能夠在主場賽和曼城，已經足夠達成目標；近年大家都期待有否第五或第六支球隊出現，能夠挑戰英超的四大班霸，熱刺其實一直是很多球迷心目中的首選，評述完周中熱刺對布力般的比賽之後，對於熱刺該仗表現的回顧，以及未來對熱刺的展望，我都有多少意見想跟大家分享。

檢閱目前熱刺的後防位置，人手其實已經頗充裕，包括在英格蘭新B隊名單中的多臣已與球會簽署新約，京治在今季的最後個多月復出，亦証明到自己穩定的能力，另外加特拿、伊高圖、李榮杓、洛查、史達迪利等多位球員，雖然到季尾均遇過不同程度、在不同時間發生的受傷，但計他們在熱刺的位置，都能夠打出自己應有的風格及作用，例如伊高圖在季初其實表現不俗，但因為在去年11月犯官非，之後曾被監禁及受傷等等，才能他失去了正選位置，如果他的季前準備做得夠好，下屆應該仍可與一眾閘衛球員爭位；另外在接近季尾李榮杓受傷之後，由葡萄牙加盟的洛查証明到自己是一位「好使好用」的球員，與加特拿一樣可以兼任左閘及中堅位置，作為球隊的後備，上述球員的角色都分配得很好。

至於中場方面，索高拿、泰利奧均屬於實用型球員的佼佼者，而其餘熱刺的中場球員，則予人感覺仍然可以更進一步，包括取得致勝或重要入球越來越多的贊拿斯，還有今季由富咸來投之後，不斷受到微傷困擾的馬白蘭基，周中對布力般他再次被碰傷腳部，看來明日的煞科戲將不能上陣，寄望他來季不會再有太多受傷患影響的情況；艾朗連儂可踢左右兩翼，相信在未來領隊祖爾馬田的任用上，將會因應每仗對手閘位球員的實力，來決定連儂陣上的位置，展望連儂甚至可以像最近車路士的胡禮菲臘斯一樣，並非踢緊貼邊線的翼鋒，而是充當會向中路切入的內翼，計腳法及埋門把握力，連儂都有能力擔任這個角色，預計來季他的可朔性仍然會很高。

其餘加里、赫度史東的進步幅度均值得寄望，其中以加里需要較留意紀律問題，此子可踢中場中路及右中場，可朔性其實同樣很大，但周中的比賽他較為欠運，29分鐘後備入替受傷的馬白蘭基，當時球隊的中場線仍處於需要穩定、無需太早作出變陣的境況，但到了下半場 67分鐘，熱刺知道起碼要追成平手取回1分，才可穩定爭取足協盃入場券的形勢，於是將羅比堅尼換入，入替上陣了還不足40分鐘的加里，希望加強球隊攻力，當時加里一邊步出球場一邊脫下球衣，到行近場邊的時候，將球衣怒擲向後備席，這除了是發洩對自己被換出的不滿、對領隊祖爾馬田的不敬之外，其實球証根本可以就其脫衣行為、對足球運動的不尊重將他驅逐離場；事後祖爾馬田處理得很好，公開向記者表示會處罰加里，但沒有說明會如何處分，亦不打算對外公開罰則，同時翌日安排加里如常隨隊練習，甚至表明煞科日比賽會繼續派加里上陣。我覺得作為球隊領隊，對年青球員的手法是有錯一定要罰，但處罰不宜太嚴，而且在處罰之餘要給予球員將功補過的機會，是最好的處理方式。

赫度史東在熱刺陣容較齊整之下，最近的上陣機會較少，但他未有因此而氣餒，反而很明白自己在球隊該擔任甚麼角色，亦很了解祖爾馬田對他的要求，赫度史東知道自己未來主要繼續負責防守中場位置，以及做球隊的中堅後備，同時他亦很清楚自己的斤兩，從正面角度出發，他算是高大球員當中腳法較好的一位，祖爾馬田便曾將他與德國名宿碧根鮑華作比較，但其實赫度史東也知道自己不夠硬淨的缺點，今個暑期要集中把體能、體質練好，希望下屆可以負責更多體力化的功夫，從而在防守中場位置上爭取到更多機會。

熱刺防守夠人??不敢苟同

引用第0樓Spurs於2007-05-13 18:59發表的“丁偉傑講熱刺”:
.......
熱刺防守夠人??不敢苟同

多臣、加特拿、伊高圖、李榮杓、洛查、史達迪利、huddlestone、king........

引用第1樓智者於2007-05-13 20:19發表的“”:
多臣、加特拿、伊高圖、李榮杓、洛查、史達迪利、huddlestone、king........ [表情]

仲有chimbonda

引用第1樓智者於2007-05-13 20:19發表的“”:
多臣、加特拿、伊高圖、李榮杓、洛查、史達迪利、huddlestone、king........ [表情]

防守係夠人 不過防守力唔夠

引用第3樓haa於2007-05-13 20:32發表的“”:
防守係夠人 不過防守力唔夠

oic

熱刺防守夠人??不敢苟同

我只不過係照字面講姐

引用第3樓haa於2007-05-13 20:32發表的“”:
防守係夠人 不過防守力唔夠

何謂足夠?
比起英超四大班霸可能尚欠少許\

但其實熱刺防守力可以話係比上略嫌不足, 比下綽綽有餘^^"

係咪要放係球迷呢

熱刺今季防守力真係爭d..
不過好彩攻力搭救..

熱刺後防除左中堅之外...係好似夠人既.....
但問題係傷兵多到你唔信........(唯獨dawson同chim真係打不死 )
而且佢都過份讚賞ekotto,gardner,rocha了..

-->季尾均遇過不同程度、在不同時間發生的受傷
點會不同時間.....lee同ekotto....中堅試過被迫用到chim打......
史度迪利,gardner可以冇比賽都傷...攪到ifil都有得擔正幾場...........
都已經唔提king傷左大半季..............

jol又傻傻地賣走迪雲樸...搵返rocha其實都只係同原狀冇乜分別...(rocha可以打嘛左..但又唔可以打uefa..)
都係4個中堅...king長抖...1個仲要唔打得uefa...1個又可以冇出都傷仲要係炸彈...

今季冇幾多場chim king dawson lee同時上陣.....後備又傷又唔勁......真係激死..

根本唔係丁偉傑講到咁happy..

--->赫度史東知道自己未來主要繼續負責防守中場位置，以及做球隊的中堅後備，同時他亦很清楚自己的斤兩，從正面角度出發，他算是高大球員當中腳法較好的一位，祖爾馬田便曾將他與德國名宿碧根鮑華作比較，但其實赫度史東也知道自己不夠硬淨的缺點，今個暑期要集中把體能、體質練好，希望下屆可以負責更多體力化的功夫，從而在防守中場位置上爭取到更多機會

jol想令佢做carrick多過做咩野"防守中場位置，以及做球隊的中堅後備"囉..........
佢打中堅都係被迫導致........(dawson同chim打中堅果陣,佢都係傷左...)
仲有..佢不夠硬淨咩??
我覺得佢唔夠火...heahea地踢咁...成日俾失波.......喳...

加特拿-----渣
史度迪利---------老
依高圖----------平庸

引用第9樓Spurs於2007-05-13 21:08發表的“”:
史度迪利---------老

29ja喎，30都未到~


不過呢個又就真係幾庸既~

引用第9樓Spurs於2007-05-13 21:08發表的“”:
加特拿-----渣
史度迪利---------老
依高圖----------平庸

上面兩件都係炸彈...

s7其實唔計無啦啦發波瘟...我覺得表現幾好....助攻助守...都唔係太顯出有老既問題..

gardner...真係唔係太夠班.......雖然對blackburn果場打得幾好.......

ekotto.......可以俾多d時間佢證明自己...不過當然!lee一定係正選喇!!jol!

引用第11樓賀雲斯於2007-05-13 21:14發表的“”:
上面兩件都係炸彈...
s7其實唔計無啦啦發波瘟...我覺得表現幾好....助攻助守...都唔係太顯出有老既問題..
.......

都唔知點解賣迪雲樸都唔賣加特拿

引用第5樓可於2007-05-13 20:42發表的“”:
何謂足夠?
比起英超四大班霸可能尚欠少許\
但其實熱刺防守力可以話係比上略嫌不足, 比下綽綽有餘^^"

比下綽綽有餘...?
全季得5場可以保持不失...咁都叫有餘@@?

引用第9樓Spurs於2007-05-13 21:08發表的“”:
加特拿-----渣
史度迪利---------老
依高圖----------平庸

平庸
因為佢冇身位
搞到比人單刀仲要失波
我仲好記得上季有幾場因為佢咁樣\
搞到熱刺由贏變和 和變輸