http://hk.apple.nextmedia.com/template/apple/art_main.php?iss_id=20100429&sec_id=462&subsec_id=830&art_id=13977009倪震有份投資，位於尖沙嘴的美式桌球室 Joe's Billiards& Bar，昨日被本報揭發店內有裸女跳脫衣舞。倪震父親倪匡表示平時不過問兒子生意，也懶理這件事可會令媳婦周慧敏不高興。但古巨基昨日卻力撐好友周慧敏的丈夫倪震，更笑謂「睇波都有球迷裸跑啦」。
倪震經營的美式桌球室被本報揭發有祼女跳脫衣舞，他的父親倪匡昨日表示沒看報紙故不知情，也不關心兒子的桌球室運作。
倪匡昨日在電話中說：「我唔係幾詳細知道（情況），我好少八卦呢D新聞。」平時沒有與兒子傾生意經嗎？他說：「佢都大個仔，自己處理生意，我唔識佢D野。」可擔心這件事令媳婦周慧敏不高興，倪匡說：「我點顧得咁多。」
至於倪震老婆周慧敏的老友古巨基和鄧麗欣（ Stephy）昨日到港台擔任「證義搜查線」金牛頒獎禮的頒獎嘉賓。基仔曾為倪震的桌球室任剪綵嘉賓，他為好友解畫說：「阿 Joe（倪震）話果日有部份位置有人 book左開 private party，果個女郎就做左呢個事情，只係短短一兩分鐘，在場管理層都措手不及。」
不過，倪震的桌球室曾被拍到有人涉嫌非法開賭，基仔對此表示不知情。他指自己有到桌球室打波，但沒見過有人跳脫衣舞，他說：「我冇見過，今次係好個別既事。」
問基仔會否擔心好友的桌球室受負面新聞影響？他說：「咁又冇咁嚴重，睇波時都有球迷會裸跑啦，呢d事好難去預測，今次阿 Joe會加強番個管理。」
Stephy透露老闆提議她到韓國學跳舞，問她會否像江若琳一樣，去完韓國後眼皮變深？她說：「佢係咪夠瞓先冇咁腫，我怕痛唔會整，同埋而家先整太遲，整左我會同大家講。」
此外，周慧敏和鄭嘉穎早前獲宣明會安排到越南探訪當地山區貧窮兒童，她還與兩名養子見面，但他們十分害羞，周慧敏說：「我帶左工具幫佢地剪頭髮，仲送左文具俾佢地，又陪佢地行路返學，接觸多左，佢地先唔再怕我。」
