http://orientaldaily.on.cc/cnt/entertainment/20100517/00282_001.html
謝家二少爺終於與大家見面！謝霆鋒已決定細仔英文名叫Quintus，意解五月出生。「5月仔」眼仔碌碌，十分精靈，與爺爺謝賢很似樣。為BB拍照的夏永康指，5月仔極之醒目，出世兩日已識望鏡頭。
以「為謝家開枝散葉為己任」的張栢芝，五月十二日為謝霆鋒誕下第二個兒子，母子平安。產子當日，奶奶狄波拉公開表示會發放BB照給傳媒，昨日終如拉姑所言，謝家二少爺真面目終於曝光！
霆鋒決定BB英文名叫Quintus，英文名源自拉丁文，有五月出生的意思。5月仔身穿由嫲嫲狄波拉親自挑選、衫上寫有5月仔出生年份「2010」的白色衫，頭戴白色帽仔拍照，樣子精靈可愛。眼仔碌碌、大耳朵、「謝家鼻」再配嘴仔的「啄」位，勁似爺爺謝賢。
兄弟同床共枕
狄波拉昨日接受訪問時亦十分認同孫仔似謝賢：「係咪好似四哥呢！（BB耳仔好大呀！）係呀，耳仔同耳珠好似我，大隻同好貼，好有福相。（幾時擺滿月？）好忙呀，我依家個電話每一秒鐘就響，等新抱出院先商量啦。（知唔知Quintus點解？）唔知點解，但我有份同意，第一個英文字 Q，好cute好可愛。」
昨日所發兩張照片，其中一張是5月仔躺在熟睡中的哥哥Lucas身邊，構成一幅兄弟共枕圖，十分溫馨。該相由謝家負責操刀，問拉姑何解不發一張全家福大合照？她謂：「夠晒啦，依家唔興全部人一齊影，兩個好夠嘞。」
Lucas發燒
5月仔的單人照則由攝影大師夏永康操刀，夏永康大讚5月仔醒目精靈。他表示：「我係栢芝生咗之後第二日去，嗰晚我啱啱落機，去到醫院係夜晚十二點，Quintus突然醒咗，我就影咗一陣。BB好醒目，得兩日人仔，都已經乖到不得了，我影嘅時候冇氹佢，由佢自由發揮，佢已經識望鏡頭同望住我，我影咗一陣，都慣住抱BB。（點解唔幫Lucas影合照？）我都想，但因為Lucas發燒，所以冇影到。」
