料梁國雄亦步後塵 只待思考退黨後去向
(2011年01月24日)
隨著黃毓民及陳偉業宣佈退黨後，社民連另一立法會議員梁國雄，預計亦會步兩人後塵。一直無捲入黨內鬥爭的梁國雄說，事件已變成人身攻擊，難以支持任何一方，他會慎重考慮退黨問題，考慮因素主要是退黨後個人在政治上的「走位」，換言之，當他決定退黨時，會同時交代去向。被問及會否加入「人民力量」，他則說，「我見過鬼仲唔怕黑？」但他表明會在區議會選舉中狙擊民主黨，「我會自己做」。
另外，黃毓民昨在集思會上，對梁國雄指兩人政見不同大表痛心，「話我政見右、佢(梁國雄)左，你(梁國雄)唔企我呢邊，企阿陶(陶君行)嗰邊我冇意見，但話我哋政見唔同？」他指大家當年成立社民連，認同中間偏左路線，「點樣唔同政見？唔同政見一齊四年？」他並反問「我點叫右派？」他指88年李登輝當台灣總統，「我已退出國民黨……我唔會鬧長毛，但佢呢番話，我真係好心痛！」
梁國雄回應時無奈說，「佢(黃毓民)可能無聽清楚，以耳代目。」他指自己當日的言論並非諉過於對方，而是惋惜，他亦已作自我檢討。梁國雄上週五在網台節目中說，他與黃毓民的政見光譜不同，「我係左派，佢係右派」，他形容這個結合是政壇奇蹟，大家的聚合點是以三民民主主義與社會民主主義為基礎，他並指社民連分裂已成定局，「我最傷嘅係友情，唔參加呢個組織就冇咁多友情糾紛。」
http://www.am730.com.hk/article.php?article=41898&d=1402講到「見過鬼仲唔怕黑」
我都覺得佢會做返獨立
