有關後備的取捨。
玩左幾周，我發覺後備都唔係完全無作用既。至少，今周蘭尼無出，我都有個後備出黎頂下。雖然個分只係區區一分（巴克利）
但似乎真係唔駛放太多資源係後備席到。原因係，因為除非正選真係90分鐘完全無出場，你個後備先可以出動。好似普斯禾特咁，出黎打左陣，都係計番正選既分。所以，四個後備席，放第一位個個或者都有機會用下。放係第二位個個出到既機會其實真係好微。好友玩家一向跟貼資訊，買中唔出場既球員既比例一向偏少（
）。要連中兩個連後備都唔見人既球員，更加少見。所以，一周入面要動用到第三個後備球員，都真係奇境啦！我諗除左聖誔快車檔期有機會用到外，平日你上下好友睇下資訊版，都會避到大部分傷痛球員的了。上多D 好友，好過你放多D 錢落後備席。
後備席既另一作用，係KEEP 住D 低價人。季初常見大家KEEP 既係舒爾菲。一兩場過後，大家都KEEP 巴克利了。老實講，睇左一場愛華頓既比賽，我都覺得，用個幾兩蚊KEEP 呢位年青球員實在太抵了！用既錢又唔係多，佢又係穩正咁滯（暫時睇）。打既位置又係進攻既核心。爆分唔難。遇到有好賽程，用佢黎換陣中其他低價KEEP 開但賽程唔好既球員，不失為一個好策略。例如遲D 阿仙奴對曼聯，你又有KEEP 住奧斯爾唔想放既，個一周咪換巴克利出黎踢囉。
不過，話就話可以用黎KEEP 人，但實際作用又係好有限。你有四個後備席，但你頂多只可以要黎KEEP 兩個人。原因係，我地多數打343，前鋒無後備名單。中場只得一個。即係，你最多只能用後備席黎KEEP 一個你心儀既中場咁大把。舉例，我今周有4蚊既普斯禾特，擔心佢正選不穩，本來打算KEEP 佢一兩周再睇定D，但都無位了。迫住係佢同巴克利之間揀一個。
當然，如果你有想KEEP 既後防，咁你都仲可以KEEP 多一個人既。咁可唔可以KEEP 兩個後防？可以係可以，但有咩用？今年大家資金咁充裕，周周都可以買最貴既後防同籠門黎用。KEEP 兩個後防對自己根本無咩實際益處。反而鎖死哂D 資金，仲無意思。
留意，打左四場後，已經無哂D 1蚊骨咁滯了。你如果放左宜家KEEP 開既一蚊後防，可能將來又要用兩三蚊先買得番，平白蝕比佢。
[ 此帖被freezefox在2013-09-18 17:16重新編輯 ]
