我想了解一下史密夫事件 [復制鏈接]

咁大件事，講真咁長既歷史背景

我追查唔到咁多，亦唔可以再等慢慢去查

大家可唔可以係度用最簡單直接既言詞去交代你對史密夫會員有咩不滿

但一定要有根據(引用佢 opic同post)我會了解件事

同作出適當既安排、處理

但大家一定要冷靜，要實事求事，唔好用d偏激言詞


哩度係俾大家交代自己既不滿等我去處理

所以大家唔好討論

我相信大家對佢o既不滿
唔係出於1,2個topic,1,2個post

好難拎出所謂o既「證據」

根本...那是一種態度
一種令人生厭o既態度

成日想大家留意佢\
成日周圍整長命post
最近例子就係笑話區開笑話集啦

當你嘗試去勸佢,去教佢\
佢o既回應係絕對令人灰心,無癮

自問唔係果班一直"歧視"佢o既人
自問亦曾經用力去勸佢,去幫佢講好說話
但我真係忍受唔住佢了

整件事中

我只是覺得大家明知
回史密夫的post會得到一些唔滿意回覆
令自已生氣

但大家又好熱烈甘回覆史密夫的post，之後又嬲
人便是這樣一種奇怪心態吧

而今次事件我覺得做法十分"小朋友"羅

尋晚比人delete 左個笑話集, 轉頭又在吹水版出左以下 topic
http://www.hkbff.com/bbs/read.php?tid=18027&fpage=1
開頭問人自己要改善d 乜.........
結果又係一大堆無意義o既說話
e.g. 有會員認真地問佢覺得自己要改d乜, 佢就竟然話要減肥!!
原本諗住都 lock 左, 算喇
點知今日又在其他版亂 up 24, 點忍 ??

不斷為出 post 而出 post, 一時又話會改, 結果就態度照舊

故意在各版製造長壽 topic

今日在球壇新聞同球迷講場亂 up 24, 結果依家接近全壇會員都不滿
http://www.hkbff.com/bbs/read.php?tid=18006&fpage=1&toread=&page=1

打d唔知佢講咩ge野(以下字無誇張成分)(not a serious matter):
史密夫：「唔通我要睇哂成個論壇所有TOPIC先出POST咩？我以為為係真係有無人出過我先出左但係之嘛？我以為都但係我係第一之嘛出左！宜家出TOPIC都要黎比人話……咁我無野好講囉！重之，我問心無鬼！」
I DONNOT 知 YOU 講 D WHAT，重之，I DO THE 適當的THING 係RIGHT 時間，YOU 唔好 話我。我ASK HEART 無鬼（不過可能有妖怪）。估唔都出個即係個POST都要比比話人話黎事但齋。吹長（唔係短）。

其實係好多野形成,唔單單只lee 幾個topic,
係1000個,5000個,根本佢大部分post都好有問題(態度,無聊......etc)

由於都有年幾兩年好難講晒當中經過, 以下係部份有關呢位會員的問題topic:

我真係咁差

http://www.hkbff.com/bbs/read.php?tid=4248

上年9月, 當中有大部份會員對同佢苦口婆心的勸導, 我同其他幾位會員仲仔, 亨利仔等什至用獎金制叫佢 update topic, 唔好為出 post 而出 post, 結果都係無用。


賽事直播版:

http://www.hkbff.com/bbs/thread.php?fid=30&search=&page=7

一晚開晒所有 10/9 直播 topic


成日開 topic 又唔 update:

例子
http://www.hkbff.com/bbs/read.php?tid=7738&fpage=6

http://www.hkbff.com/bbs/read.php?tid=7737&fpage=&toread=&page=1

呢個直播 topic 就話自己皇家警察亂 up:

http://www.hkbff.com/bbs/read.php?tid=7257&fpage=&toread=&page=1

其中相信部份不滿緣自賽事直播版, 開左 topic 唔 update

我唔係善於搵番d舊topic既人，我唔知點搵比你……或者我講個大概，等阿仁或者A版主幫手同我填番D TOPIC啦。

1. 一開始，史密夫既犯案地點係「現場直播」。一個一晚之內開七八場波都試過。最離譜係，一D無人睇既波佢都開。又因為開得多，個個TOPIC都唔UPDATE資料，攪到人人怨聲載道。現場直播攪到今時今日咁多版規，都係因為佢一個人………至乃「史密夫事件」之開端。

後來一次我勸極佢都係要係現場直播攪攪陣，我嬲到震之下，係吹水版開左個topic，話以後都唔會入去史密夫開既現場直播topic，當時都算攪到幾大件事。乃「史密夫事件---現場直播風雲」之最高潮位。有關資料，請各高人幫忙搵啦。

2 .同一時間，佢係辦公室建議左好多野，又話攪比賽，又話攪呢樣個樣，當然，通通都係唔可行既。經過無數版友版主苦勸及力陳其事之不可行後，條友仔仍然繼續係辦公室開topic建議呢樣個樣……攪到人人不勝其煩。此為「史密夫事件----辦公室殺死人事件薄」之開端。

其後發展，史密夫竟然用另一個a/c入去辦公室，再一次建議之前比人否決左既建議。但手法低劣，盲既都知係佢一人扮演兩個角色，當正我地成班係白痴！結果當然係引來無數漫駡。事件一片咒詛之中結束。

3. 但係隨著「史密夫辦公室殺死人事件」後，引發另一單大鑊野：「史密夫分身之謎」！杜夫、邪邪，相幾係各版出現。人人都知佢係同一個人，佢就扮兩個人，三個人，自說自話，自己push自己既tOPIC。人地話佢，佢就死口唔認，仲反唇相譏。再一次引起連場駡戰！

其間，版主迪克開左個TOPIC黎串佢，引起「途人」阿CHING哥不滿，認為我地大蝦細，結果又係連場駡戰。但係駡戰其間，情況又急轉直下，史密夫既分身身分終於比人揭發！不認不認還須認。之前仲死口話自己無辜，之後即時三百六十度轉軚！「史密夫分身之詸」就係咁，以一場鬧劇形式結束。

4. 係史密夫分身之詸中，史密夫醜態盡露，群情凶湧！佢即時公開向所有會員道歉認錯，乞求原諒。是為「史密夫之第一滴淚」。當其時，人人都以為佢終於知錯，終於肯改。佢仲公開要人教佢點改。又承諾改唔到既，會自動消失。白痴如我者，真係中哂計。本住好友之心，循循善誘。打成幾千字同佢講應該點做點做………宜家諗番轉頭，根本佢從無悔意。當日只係緩兵之計，以息民憤。好等佢有機會爭取更多既時間，進行日後蠶食好友既大計。「史密夫之第一滴淚」就如黃飛鴻中既奸人堅一樣，大叫：我錯啦！我知錯啦！只係為左可以拍更多更多的續集……

5. 第一滴淚之後，好友得到片刻之安息。但平靜既時間，只係好短好短。史密夫密謀既蠶食好友大計，己經無聲無息地展開。「史密夫萬壽無壃超長不死TOPIC大作戰」正式開始。一個又一個既文集，相集，評論集，咩樣物集，係各個版湧現。開始既時候，大家根本唔為意。直到好友每一個版都有一個「史密夫萬壽無壃超長不死TOPIC」，大家先慢慢開始意識到問題既嚴重性。


6. 係「史密夫萬壽無壃超長不死TOPIC大作戰」下，一個又一個既TOPIC，引來一場又一場既駡戰。最經典既莫如「史密夫無法理解作文集」。呢個我有資料：http://www.hkbff.com/bbs/read.php?tid=528&fpage=1
成個topic都係到鬧交………你問我有咩問題，我都唔知由邊忽講起。或者你自己睇下先。

跟係係「球迷講場」又有一個。由開頭都叫有人支持下，到宜家又係人人叫插既TOPIC。你自己去睇啦。另外佢簽名檔個三、四個長壽TOPIC，都係咁黎。長壽本身唔係問題。但無意義既長壽TOPIC，自說自話既無聊回覆，死唔斷氣既PUSH PUSH PUSH，實在令人難以忍受！

近日佢見大家都唔多制止佢，就愈玩愈離譜。先係吹水版整個「探討宗教」既TOPIC，假借探討宗教為名，實際暗推自己個Topic為實。明明都講到無野講，佢又走出黎亂up 24 推番上去。由於無犯版規，版主無野好做。我擔心會因為佢個人問題，最終令呢個和平既topic變成戰場，所以認為有stop既必要。最終由羊羊另開一個了事。結果，正如我先前估計，佢即時對「宗教」興趣大減。象徵式入去講兩句之後，個topic好快就沉左。

佢再係寵物版開多一個。目錄竟然有幾百隻狗既資料。一頁幾隻，估計呢個topic可以最少開百幾頁……但內容全部轉引自某三幾個版，早期連line都唔post，經版主勸諭後，係咁疑係頭post比幾個line了事。版主同我都擔心事件會引起其他論壇之不滿，最終決定殺ｔｏｐｉｃ。現在已經係垃圾桶。

然後佢再係笑話版開一個笑話集……呢單，我諗我都唔駛多講啦……我已經本住玉石俱焚，攬住佢一齊上路既決心，黎同佢玩埋呢一鋪。玩到咁樣……大家仲可以要求ｄ咩？

其他「談情說愛」、「電腦天地」個ｄ無無謂謂既ｔｏｐｉｃ，我都費時講。

７．「史密夫終極一擊」。係人人喊打喊殺之際。史密夫再一次使出佢既殺著：「我知錯啦！」但今次唔知係咪有持無恐，認錯還認錯，態度惡劣得不得了！成個topic既留言，輕蔑不矣，人見人憎！完全無悔改之意，只有玩野之心。仲整招「小史密夫大改善行動」，希望一眾好友，繼續中計，繼續陪佢玩！結果，當然無人中計！傻既先以為佢真係有心改過。奸計未能得逞下，佢只有悻悻然離開。

8. 今日，唔知咩事，亦唔知佢得罪邊個在先。總之係吹水版離漫一片敵意。大家都深感不滿！我亦無法再按捺自己既情緒。所以先會有「老狐辟邪大術咒」既出現！消極又好，咩都好！我只求耳根清淨！對唔住都係咁話！



that' s all

史密夫做左D乜,我唔想多講,
我淨係知一個人可以令到成個壇D人生惡,唔係一件簡單容易既事....

下面是引用freezefox於2006-04-12 18:57發表的:
我唔係善於搵番d舊topic既人，我唔知點搵比你……或者我講個大概，等阿仁或者A版主幫手同我填番D TOPIC啦。
1. 一開始，史密夫既犯案地點係「現場直播」。一個一晚之內開七八場波都試過。最離譜係，一D無人睇既波佢都開。又因為開得多，個個TOPIC都唔UPDATE資料，攪到人人怨聲載道。現場直播攪到今時今日咁多版規，都係因為佢一個人………至乃「史密夫事件」之開端。
後來一次我勸極佢都係要係現場直播攪攪陣，我嬲到震之下，係吹水版開左個topic，話以後都唔會入去史密夫開既現場直播topic，當時都算攪到幾大件事。乃「史密夫事件---現場直播風雲」之最高潮位。有關資料，請各高人幫忙搵啦。
.......

萬字文

球迷講場 — 史密夫專欄

http://www.hkbff.com/bbs/read.php?tid=13540&fpage=1&toread=&page=17


我發表左一篇文章回應 , 佢就故意扯開話題 , 講一d無關意義既野 ( 其實即係廢話)

佢根本無心作回應 , 最後不了了知

老孤又上身

老狐真係.....

佩服! 佩服!!

仲有，有幾位特別鐘意同史密夫講好話既版友。我想請問你地，係史密夫身上，你地花過幾多精神同時間？我諗得一個阿ching係真真正正有用過時間係史密夫身上。其他既，都只係「最後幾秒」出黎做好人………


sorry，我唔認為咁樣叫好人！


當一百個人圍插一個人個陣，你淨係識叫個一百個人唔好咁做，但又唔諗下點解人地咁做，更加無試圖叫被人圍插個個改變自己，或者幫佢改變自己。每次出事又唔見有人出黎擺平件事。呢種好人，我都識做！不過，我唔會做！

我為史密夫打既字，勸既，鬧既，串既，教既………無一萬都九千！我用係佢身上既時間，正面既，負面既，幾乎佔去我上好友五分一既時間。我上黎好友，係求開心，唔係黎教仔！但我都為左好友既安寧，盡左最後一分既努力，曾經都試圖去改變呢個人。不過，抱歉。我失敗左。而我亦認為，「現階斷」，佢暫時係無得救！直到佢直直正正明白自己衰d咩之前，佢所有既認錯同承諾，都係信口雌黃！

而個d為史密夫講好話，但又從無係史密夫身上用過時間既版友，我相信我絕對有資格，至少比你地有資格，去批評史密夫！



我就真係可以講佢最鐘意講個句：「問心無愧」！

其實大部份會員當初都有努力勸佢, 有人一直唔聽, 態度照舊........

結果咪有今日呢d所謂"唔成熟"的表現。

其實我地已經俾左好多次機會佢....

下面是引用freezefox於2006-04-12 18:57發表的:
我唔係善於搵番d舊topic既人，我唔知點搵比你……或者我講個大概，等阿仁或者A版主幫手同我填番D TOPIC啦。
1. 一開始，史密夫既犯案地點係「現場直播」。一個一晚之內開七八場波都試過。最離譜係，一D無人睇既波佢都開。又因為開得多，個個TOPIC都唔UPDATE資料，攪到人人怨聲載道。現場直播攪到今時今日咁多版規，都係因為佢一個人………至乃「史密夫事件」之開端。
後來一次我勸極佢都係要係現場直播攪攪陣，我嬲到震之下，係吹水版開左個topic，話以後都唔會入去史密夫開既現場直播topic，當時都算攪到幾大件事。乃「史密夫事件---現場直播風雲」之最高潮位。有關資料，請各高人幫忙搵啦。
.......

2026字 .....

不過我果版佢沒搞野呀 ?
唔覺 ..你記得topic名既話打出尼睇下..