遲左一年既後記....
any肥.....非洲，係小弟旅行多年但最後兩個未踏足既陸地。另一個當然係南極。
所以多次計劃後，在2016年夏天終於得賞所願。
去非洲最大目的當然係睇野生動物。所謂既BIG 5 就係獅子，大象，大水牛，犀牛，同花豹。
可以一次過達成呢個目標既最熱門既目的地就有南非，肯亞，坦桑尼亞，納米比亞，波札那，呢幾個地方
最經濟，又唔洗搭太多恐怖既非洲內陸飛機就係南非，肯亞二選一
因為2015有朋友去過肯亞，被當地海關鎖向密室屈錢既經驗，我又想睇埋企鵝，所以揀左南非！
去前準備幾樣野.....護照....南非應該大多數唔洗visa。其他國家如肯亞要
相機，多個電池+記憶卡，我拍左2千幾張相
南非幣
防曬，太陽帽
野外用蚊怕水
預防燈革熱既藥，如雨季或某些地區可能要更多防疫準備
外套，早晚溫差極大，日頭可以廿幾30度，夜晚又會得返幾度
望遠鏡可有可無，因為相機有呢個功能，同埋用得多好頭暈
第一站係可以去可以唔去既約翰尼斯堡
如果對自己體能同適應力唔係超有信心，建議留2-3日
我留左3日。因為LA飛約堡加轉機用左30小時.....30小時無沖涼，無訓過床，無食過餐好既....第一日訓死左....
酒店我訂左向相對安全既Sandton區Radisson Hotel。歐洲level既4 star hotel，價錢大約$80USD，包breakfast buffet
出機場小心小偷，冒牌的士，同好心幫你既人，9成9都會屈你小費
可以先訂好車接送去酒店，或者出到去大堂叫的士
第二日訓醒我地去左Johannesburg Lion Park
即係之前話獅子咬死車上外國遊客既地方。原來成個park搬左去新地方。入場園方有埋接送服務。好方便。
無左自己開車入獅子園區呢樣野，應該係咬死人發生得太多。獅子園區一定要坐園方特別既鐵籠車。
特別一提Lion Park每樣野都另計錢。獅子區要加錢，豹活動要加錢，摸獅子BB要加錢。同埋最好訂好哂先去。因為都有時限。
網址，有哂價錢等等
http://www.lionandsafaripark.com/我就買左入場+接送+walk with cheeta + Lion club interact
司機會去酒店接你，直接帶你到Lion Park入場到工作人員身邊。工作人員就帶我地上車去同獵豹玩。去到一塊空地就等隻豹黎
然後隻獵豹就會有專屬既trainer坐住專車抵達
之後trainer會介紹自己，隻豹，你要注意的咩
咁佢就會一邊拋生肉塊比隻豹，然後隻豹就會用地上最快速度追殺你.....
講笑者....隻豹好懶....行兩行，無咩食就去樹蔭偷懶
咁到底有幾近? 係零距離.....係可以摸隻豹，隻豹都可以摸你....
圖下係工作人員....
咁我地low season，又平日，所以45分鐘完全得我地兩丁友同隻獵豹，到最後真係影到唔想影，摸到飽
圖下係隻獵豹捱住我隻腳....
同獵豹玩完就經過見到個小朋友喂緊隻長頸鹿。咁我拿拿臨用港式屋村收陀地既方法屈個靚仔分的鹿糧比我玩
之後我地就去排隊玩獅子BB，平日無咩遊客，但係好多學生。
事關原來非洲學校課外活動竟然係去野生動物園....
等左半粒鐘終於到我地玩5分鐘....隻獅子BB都幾活潑。不過的抓好勾衫，同埋同狗仔一樣，會咬會爪，自己小心
咁我地無咩其他想玩，就叫司機車我地返市酒店。我地兩個再訓多十幾粒鐘叉電.....
第三日我地就買左個hop on hop off bus pass，加入去廢棄金礦場遊樂園同啤酒博物館玩足全日。
夜晚前向酒店附近買左個中東色wrap食，天黑就唔敢出去行lu
半夜餓食自帶杯麵....
待續.....
[ 此帖被tc2218在2017-08-16 22:07重新編輯 ]
