至於中途插入景點，係呢程車到既可行性都唔太大。主要原因係，插入景點後，只會將你原本已經好長既車程。變得更長！
其實你可以用三個零鐘，由成田直踩入輕井澤，呢到足足250公里，主要原因係因為八成既路程可以跑高速！同樣係250公里既路程，成田去伊豆急下田要4個半鐘，就係因為有三分一既路程無高速，要行國道。由此可見，走高速係可以節省非常多既時間（有D 人開得快既話，仲節省得多，不過我唔建議你咁做）。
所以，如果你中途插入景點，即係你必須離開高速，改行國道。之後又要經國道返入高速。中間就會用多好多時間。舉個簡單例子，你中途如果插入秩夫既景點，例如曼珠莎華既花海。你既總行車時間就會由原來既3個零鐘變成4個半鐘。多左足足百分之五十。而且，你唔係去一去個景點就即走架嘛。你仲要係個景點到逗留一陣架嘛。當你快快趣趣走馬看花咁停留一個小時。你全程就變成五個半鐘了。到你入到輕井澤，會係幾點？仲要未食飯喎………
就算揀個再近高速D 既景點，舉例飯能巿既姆明公園（嚕嚕米兒童森林公園），你都要用多至少半小時至45分鐘係車程到。加埋遊覽用既一小時。都係要五個鐘。
唔WORK 啦。
當然，仲有一個方法，就係揀高速公路旁既手信店呀，CAFE 呀之類。停一停，行個圈，又或者飲杯咖啡再起行。咁就只會用多你十零分鐘時間者。但咁又無咩意思者………
[ 此帖被freezefox在2018-06-07 10:29重新編輯 ]
