[論壇公佈]更改會員名稱申請區 [復制鏈接]

煙花:咁我想問...小西改過幾多次名?(疑問) (2012-10-31 11:34) 

唔記得，好似兩次。不過，同今次既問題有咩關係？唔明白。

用戶被禁言,該主題自動屏蔽!

http://bbs.hkbff.net/read.php?tid=31836

呢度有RECORD的

迪神:OK EXCEPT呢個:
仲有另一類會批既改名申請，就係會員當初註冊時，以一堆無意義既數字/符號/ 英文字母湊合。因為當時可能無打算長期、經常性係到留言。但日子耐左，多左係到留言，希望改番個令人較容易留下印象既名稱，都會予以考慮批準的。
....... (2012-10-31 11:36) 

是的。任何制度都唔可能將每一個事例都列明。入面總有D 地方要人做決定。我只係希望將呢個範圍收得有咁細得咁細，咁我地要「負責」既部分就會少D。爭執又會少番D。

當然，再完美既制度，都一定會有人不滿。記住，我地無可能滿足全部人的，但求無愧於心，又可以得到大部分人認同，咁就夠了。


到時仲有人出黎嘈既，我同你一齊頂！

用戶被禁言,該主題自動屏蔽!

迪神:咪又係OPEN END QUESTION，之後口同鼻咬 (2012-10-31 11:31) 

唔係openend∼
只要不違反版規17，19，20條，經總版核實即可＞即係要核實有冇違反版規17，19，20條，冇就ok∼
門檻可以酌量提升＞可以係要收多d改名費，會員等級等等∼∼

煙花:咁入面好似無seattleqoo 改名.....係唔係應該可以作為老狐所講第一次改名作準則? (2012-10-31 11:48)

我冇理解錯，第一次係講緊開A/C既時候

個LIST冇佢因為佢冇改過名

煙花:咁入面好似無seattleqoo 改名.....係唔係應該可以作為老狐所講第一次改名作準則? (2012-10-31 11:48) 

唔可以。


第一，佢肯定唔係第一次改名。不過其實呢點唔係重點。唔重要的。因為係唔係第一次並唔係我地考慮既條件。考慮既條件係下面：

第二，佢個名並唔係我之前所講，由一大堆無意義既符號、數字、字母所湊成，相反，係行之既久，得到好多人認受既名稱，所以並不符合我所建議既修定改名原則。

迪神:我冇理解錯，第一次係講緊開A/C既時候
個LIST冇佢因為佢冇改過名
 (2012-10-31 11:54) 

我有印象佢有改為名的。因為佢第一個名其實係粗口黎的………

論壇係運作上出現問題

其實係咩問題？我一直都唔係好明個問題係咩∼

用戶被禁言,該主題自動屏蔽!

ODIN:論壇係運作上出現問題
其實係咩問題？我一直都唔係好明個問題係咩∼[表情] [表情]  (2012-10-31 11:58) 

舉例，好多遊戲用左你個名黎做登記。你改一改名，負責人就要改佢個紀錄。一個半個都易處理，大量會員經常性咁改名就會為遊戲負責人帶黎好多問題了。

賭波個班唔知有冇影響，例如你用ABC 個名投注，然後改左名做甲乙丙去收錢。負責人係就係可以查番「你」係唔係「你」，但咪就係麻煩左人地囉。

另外，名稱係確認對方身份既重要指標。我見到你個名就會知你係邊個。你一改左名，我就唔認得你係邊個了。咁樣會有礙會員作出交流。例如 A 有一段日子無上黎，一上黎見到好多名都唔識的（但原來佢地係識的），因為「唔識」，唔敢搭咀，然後就走人了。長時間係咁，會妨礙論壇既運作，妨礙維繫會員之間既互動同溝通。

我知道，有會員會話，我唔介意人地唔認得我喎。不過，論壇卻好介意我地既會員有「陌生感」。上到黎見到好多人都唔識，會增加佢地既「陌生感」。




其他仲有好多例子，不過無必要一一列舉了。

煙花:[表情]個LIST 無又點會唔係第一次
第2點其實真係得個嘈字....點睇認受性LOVE 都好過果堆咁長O既英文.... (2012-10-31 11:59) 

個LIST 無又點解唔可以唔係第一次？


不如你試下估下有咩情況下，個LIST 無列出黎，但其實佢已經又改左名唔止一次了。


我相信你只要稍稍推敲下你已經諗到個答案了。你諗唔到我先再講個答案出黎。

freezefox:
所以我認為迪神當日堅持要保留改名既制度，而唔係完全廢除，係有佢既睇法同原則。即使宜家鬧到滿城風雨，我亦無因為咁，而要求廢除個改名制度。改名制度仍然會保留。
但需要更清晰既介定，更容易理解既準則，無論係對執行者或者會員而言。規舉清楚D，大家都容易遵守，少左好多大必要既爭執同傷害。
.......

重點不在於小西改名，亦不在於大量會員同時改名，而係管理團隊同會員o係改名一事上有意見分歧。

就以柯南的改名申請為例，我唔見得佢違反了版規。接唔接受到亦係因人而已，我的立場係當事人都接受到，一切的後果又o個位人兄承受返。所以論壇上的運作問題必需要搞清楚，你講唔通，大家只會覺得管理層與時代脫節，及處事欠理據。

煙花:[表情]個LIST 無又點會唔係第一次
第2點其實真係得個嘈字....點睇認受性LOVE 都好過果堆咁長O既英文.... (2012-10-31 11:59) 

如果小西個原名係IJH@K  J*(&DY，你岩，佢改名做LOVE 係可以的。


但小西個原名係SEATTLEQOO，QOO我就唔知啦，但SEATTLE 讀到出黎的。有意思的。咁有咩問題呢？


至於LOVE 同SEATTLEQOO 邊個名認受性大呢個根本唔係要討論既問題。佢原名並唔係一堆無意義既數字或符號或字母，個討論便已經完結了。不必再繼續討論邊個名認受性大。