說冠軍，誰是冠軍！最終回！ [復制鏈接]

freezefox:防反先係荷蘭最強打法。而打防反既球隊，係唔需要長時間既控球比率的。因為佢只需要個一刻既反擊。控球唔係防反球隊需要既野。
對西班牙，全場只得36%控球，卻策動過大大小小十幾廿次既反擊。然後入左五球！呢個先係荷蘭要走既路線。而尋晚個場，好明顯，荷蘭並無積極地策動攻 .. (2014-07-10 18:28)

我冇講過荷蘭「主攻」

我係講

"以荷蘭今日人腳，得4個人叫有料到
其他都係新人冇咩經驗
憑咩主攻?"

"荷蘭根本冇本錢主攻，第一場靠西班牙都係打反擊，第二埸對澳洲即刻唔識主攻，拎住個波唔知點。"

正正係冇本錢主攻,所以先要打防反

我都唔知點解無鍾意過法國XDXD

98荷蘭對阿根廷，我偏好荷蘭多少少
因為果陣阿根廷有奧迪加

尋晚荷蘭又對阿根廷，我偏好阿根廷
因為荷蘭有玩鼻屎


結果，兩屆都係偏心果隊跑出

麻凡:荷蘭球迷, 請問你當初係咩原因而令你決定支持荷蘭隊? (2014-07-10 18:38)

我只知道要贏就可能需要妥協
改變甚至放棄本身風格
亦要因時制宜因應唔同球員能力去制定不同打法
一成不變只會被淘汰

sikingthegreat: (2014-07-10 19:05) 

我前前後後都打左咁多次「防反」兩個字，我相信都已經好足夠了。只要你唔係故意地IGNORE 佢既話………


進攻係一個好廣泛既講法。而荷蘭既進攻模式係以防反為主。但唔代表佢唔可以/唔會有其他既進攻模式。正如你自己都講，對墨西哥同哥斯拉個場，荷蘭係主場策動攻勢的。


我實在無必要係每一次提到荷蘭要攻既時候都加多句「防反」吧……………





其實你尋日係直播室都不斷鬧場波好悶啦。悶既原因，自然係雙方都唔多攻門啦（睇射門數字就一清二楚了）。我地討論荷蘭唔肯進攻，進攻兩個字，自然係包括哂主動搶攻，穩守突擊等等各種進攻模式吧。唔駛次次都特別要強調防反兩個字吧？係咪有D 畫蛇添足？

羅力亞:比人嚴密看管可以點?
一定入波先叫有作用? (2014-07-10 18:55) 

我有講過一定要入波先叫有作用咩？之前咁多場，我地都認同洛賓「有作用」，唔通場場都係佢入波？


入波固然係好，但唔係入到波先叫有作用。同樣地，入到波個個，有時反而係成場行行企企無咩件用個個。就好似VPS ………

icebati:你咁講又好似岩喎
不過數據上都叫做2場入3球 (2014-07-10 18:59) 

疑？岩岩頭先我答羅力亞個句野可以要黎答埋你呢句喎。

sikingthegreat:唔明同而家討論嘅野有咩關係....
定係你係咪想講, 如果係原因係以前嘅華麗踢法, 或者total football, 咁而家球隊踢法唔同左, fans就應該要放棄/停止支持球隊?![表情] (2014-07-10 19:09) 

你唔駛明, 因為我根本唔係討論緊你同老狐個話題, 呢個TOPIC唔似有限定論點? 而且我唔係回覆你, 所以你係唔駛扣我帽子, 亦唔須要迷網喎~~~

icebati:都係既
不過即使那些年的阿仙奴我都無真心鍾意過法國隊…鍾意巴迪高亦無真心捧過阿根庭…
可能覺得荷蘭隊特別有球味
 (2014-07-10 19:07) 

我都好奇怪, 我又都真係冇支持過法國隊, 係囉, 點解呢?

羅力亞:我冇講過荷蘭「主攻」[表情]
我係講
....... (2014-07-10 19:12) 

其實你所講個4 個人係邊4 個？


洛賓係定啦。史奈達？VPS ？仲有個係？


如果四個人中有個係VPS ，我就不敢苟同了。其實個個新仔迪比打得好搶鏡的。近幾場既古治更加係表再現搶鏡（佢無入波架！）。

迪莊?

freezefox:
進攻係一個好廣泛既講法。而荷蘭既進攻模式係以防反為主。但唔代表佢唔可以/唔會有其他既進攻模式。正如你自己都講，對墨西哥同哥斯拉個場，荷蘭係主場策動攻勢的。
.......

我一直reply都係講緊你話荷蘭今屆踢法一直都係"積極進攻"係錯誤的. 如果你認同holland係防反為主, 咁就同時說明唔係積極進攻....


防守反擊 (counter attack) 顧名思義係以防守為先嘅踢法，所以唔會係"積極進攻".

如果係前場迫搶 (high pressing), 前場迫到對方失誤而立即反攻的話, 話係進攻型踢法就可以成立.

但holland踢嘅5-3-2 / 3-4-1-2, 係冇前場迫搶嘅成份.... (所以特別悶)


但如果你覺得"進攻模式係以防反為主"係冇問題的話, 咁, let's agree to disagree.

icebati:同埋唔知點解雲佩斯踢完頭兩場就沉得好緊要… (2014-07-10 18:04) 

中間一直有傷 可能唔FIT都照出, 所以表現比較沈

話時話, 我都唔喜歡昨晚隊阿根廷, 即使佢嬴波。
但我仍然係會繼續盲目支持阿根廷~~

麻凡:你唔駛明, 因為我根本唔係討論緊你同老狐個話題, 呢個TOPIC唔似有限定論點? 而且我唔係回覆你, 所以你係唔駛扣我帽子, 亦唔須要迷網喎~~~ (2014-07-10 19:32) 

我咁問, 係因為中立嘅我覺得你咁講有多少un耳.....
無論佢咩原因支持荷蘭, 應該唔影響佢剛才提到嘅見解吧....?

sikingthegreat:我咁問, 係因為中立嘅我覺得你咁講有多少un耳.....
無論佢咩原因支持荷蘭, 應該唔影響佢剛才提到嘅見解吧....? (2014-07-10 19:42)

SAM哥 你就不要再回 麻煩 的帖子吧...因為真的很煩....