主攻就正中阿根廷下懷，阿根廷就係想你攻，人地突擊有美斯、Kun、lavezzi、Higuain,主攻下場可能變巴西....
而且荷蘭咁有把握信心圍住人攻而唔失波?莫講話唔未必守得住阿根廷d反擊，荷蘭根本冇本錢主攻，第一場靠西班牙都係打反擊，第二埸對澳洲即刻唔識主攻，拎住個波唔知點。
對Costa Rica唔係荷蘭想攻，係Costa Rica 縮得太後荷蘭焗攻。只可以講今代荷蘭進攻既人才買少見少。
新人唔係無野好輸，20歲唔可以已經捧世界杯?唔通等到37歲冇氣冇力都未有得拎叫好?人一生冇咩機會入世界杯四強甚至決賽，四年後可能已經人面全非。
成王敗寇，只要冠軍會在歷史上留名，另外31隊都係配角，打得幾好、幾多人欣賞都好，最多都只可以講一句雖敗猶榮，但你輸左就輸左，未必有機會再打世界杯比你上訴。
大賽冇人想輸，保守乃人之常情，亦是立於不敗之地的最佳方法。 你地支持的國家隊多數拎過世界杯，當然可以講堅持風格。
何況德國、意大利都一路轉緊打法一路進步，冇得一成不變。
如果荷蘭可以拎一次世界杯，我絕對可以接受場場消極保守贏一球。
咩打法唔重要， 戰術只有高低之分，贏到波就係好戰術。
打得好輸波贏掌聲，正面睇係受人尊敬，反面睇係得個樣，中看不中用。
西班牙以前都係咁，拎左冠軍正名先真正受人認同，三屆亞軍?冇人知你入左幾多球，只知道你失敗左三次。依種心情，只有荷蘭球迷先明.....
漂亮足球荷蘭踢左好多年，踢法華麗又拎到冠軍當然最好，但現實未必容許你咁做。荷蘭拎三次亞軍就係最好例子。
[ 此帖被羅力亞在2014-07-10 17:18重新編輯 ]
