下面是引用ching＊於2006-01-24 12:05發表的:
你敢話？如果個topic沉到落去，會隔左3個幾月再上番黎？
我只係覺得如果冇個人出黎講下，佢地1定會繼續咁做囉！
你話首先要治標..令史密夫唔做d比人串比人笑既行為..
ok..呢個冇問題，但係點解d人都唔可以改善下佢地自己本身既態度呢？？
哈哈，乜你認為係因為我入黎所以先多左人入呢個topic咩？？
.......
你自己數下D頁數，一半係由你加入之後彭彭聲咁走出黎既，當然我都有分。若然你都話同你無關，咁點先算係同你有關？你未出現前，係，都有其他人間唔中走入黎串佢幾句。但嚴重程度同密度，都唔及你出現之後咁高同多。所以，你的確係間接令到史密夫受靶多左既人。
你繼續係到抱不平，就繼續更多人討論史密夫既問題。
不過我好奇怪一樣野，頭先史密夫都開到聲叫我地唔好係到嘈……我其實都有D後悔咁樣數佢，我真係打算收手。唔講落去（最少都唔會繼續數佢）。
但係，一個咁維護史密夫如你既人，竟然可以反而無動於衷，完全漠視史密夫既要求！竟然仲可以叫我繼續數落去。或者你會以為，無論我講幾多，你都可以反駁番我，所以唔怕我數落去。
你當然唔怕啦，因為反正唔係數你，係數啊史密夫之嘛。
先唔好講我真係數佢既話，成立既有幾多，唔成立既有幾多。但咁樣數落去，對佢既傷害一定大過比幾個唔關事既人行過串下笑下。因為我地係認認真真擺佢出黎示眾咁濟，唔係口痕友串佢一句兩句可以相比。但你竟然提議照數左先，然後DEL左D說話。
你無野係話？講左出黎既說話，你以為可以好似論壇既留言咁DEl左當無件事架？出左口既說話，聽左入耳既說話，可以del架咩？我講句粗口黎鬧完人，然後del左去，對方係咪會即时舒服哂，好似無發生過無比人鬧過咁？
我之前仲真係以為你係為史密夫出頭，但宜家我開始懷疑你既動機同目的！你似用佢黎尋開心或者滿足你抱大不平既英雄感多過真係為佢著想。否則既話，有咩可能你咁「維護」史密夫，佢開到口叫你停，你竟然仲鼓勵我地繼續係到數佢，等你可以逐點反駁？你究竟想幫佢定想害佢架？
