套戲入面既「夢中情人」好明顯唔係咁解啦！
原意一定係，男主角係某年生日撞到由未來而黎既真人版女主角，然後一直牽腸掛肚。後來中槍攤左之後，又中左彩票。於是盡一生既精力同財力去創作一個以當年偶遇個位「夢中情人」為藍本既女機械人出黎。以慰相思。但係，當個機械人成功開發之後，佢都八十歲囉。仲點同個夢中情人談戀愛？
於是佢將個女機械人送番去未來，去到佢仲年青既時候。目的有三：一，等「年青」既自己可以同夢中情人延續個份戀愛；二，等個女機械人解救自己既災難。無論係飲店中槍或日後既關東大地震事件；三，於年青既自己「教育」個女機械人，學識感情係咩既一回事。相信老年既佢已經無呢個能力，所以佢期望年青既自己，可以令呢個「沒有靈魂的娃娃」學懂感情。
所以，夢中情人一定係指由未來去到男主角年青時既個位少女。而唔會係「任何一個夢寐以求既形象」。只會，故事設定下似乎無留意原來有一大敗筆係到。當然，呢個敗筆唔係真係咁影響套戲既可觀性。因為睇既人都專注係靚人靚境上，鬼理你係咪犯駁咩。
