[論壇公佈]好友伺服器未能如期續約的一個"交代" -- 辭去壇主職之位 [復制鏈接]

muly 終究係 BFF既標誌性人物
淨係呢句.......請辭 no way.....

辭唔辭職我唔太在意。掛個名，除個牌，呢D 形式上既野無咩實際作用。



不如實實在在討論下點安排一D實務上既工作。你即使辭左職，聯名戶口都仲係用你個名。唔面對現實，好好傾下D 工作分配，下次一樣會重蹈覆轍。要死多幾多次壇先夠？

引用第16樓freezefox於2009-10-04 02:52發表的“”:
辭唔辭職我唔太在意。掛個名，除個牌，呢D 形式上既野無咩實際作用。
不如實實在在討論下點安排一D實務上既工作。你即使辭左職，聯名戶口都仲係用你個名。唔面對現實，好好傾下D 工作分配，下次一樣會重蹈覆轍。要死多幾多次壇先夠？

你太理性,無人性,但現實

引用第17樓hkg於2009-10-04 03:08發表的“”:
你太理性,無人性,但現實
[表情] [表情]

我唔認為呢種叫「無人性」。我諗你要考慮下措詞係咪有問題。

其實係唔係真係好多人怪您呢?
無得上好友幾日係咪會死呢?? 係就請便吧

照我理解，今次事情早一點搞係可以避免的，BUT係唔係要去到請辭呢??
好似上面D好友咁講，之後做好佢反而更重要啊!!

muly，當年死壇死到我都唔見左，幾年之後終於上返來好友，野都未同您講到幾句
您而家話請辭，您寫呢篇野心痛，我的心痛也不比您少呢........

請辭對成件事有咩幫助？好瀟灑？想一走了之？

muly，要走要留悉隨尊便，但唔該你搞掂埋d 手尾先好走

我唔想你再次令到咁多會員失望

引用第19樓科高於2009-10-04 03:51發表的“”:
其實係唔係真係好多人怪您呢?
無得上好友幾日係咪會死呢?? 係就請便吧
照我理解，今次事情早一點搞係可以避免的，BUT係唔係要去到請辭呢??
好似上面D好友咁講，之後做好佢反而更重要啊!!
.......

我係第一個係臨時壇 office 出文要求 muly 公開交代事情始末的，但我沒想到最終會導致如此結局。

原文如下︰

原帖由 老火 於 2009-10-2 12:47 發表

老老實實，返到去果邊唔該有關人士 (尤其係 MULY)好好交代整件事既始末，唔好又再不了了之！

過期唔交錢俾人停壇真係一種低級錯誤，人地之前應該都有齊 reminder 要交錢，無理由會話截就截，點解竟然會搞成咁？

大家都非常好人，叫我地唔好怪呢個唔好怪果個，咁我就企出黎做衰人。因為好多人都為左個壇做左唔少野，唔係剩係果幾個人。又再發生呢的事簡直令人非常心淡，對下次再籌錢亦有好大影響，係唔係應該同大家有個交代呢？

今次呢件事有關人士若果又再避而不答的話，我相信我會步文鳳既後塵……

無論如何，我的指責亦直接/間接令到 muly 請辭，在此我謹向 muly 及各位好友致歉……

我亦再沒面目在此逗留下去，交代完一些事情後，自會「請便」了……

我地點解要怪 muly？

因為佢的疏忽令到死壇，應該負上最大責任。最重要係，佢所謂的交代，居然係「請辭」，而唔係任何實則上的補救行動（現階段我睇唔到）

點解有人可以當冇事發生，仲要話人地唔好怪佢？喂，呢度唔係大陸喎

你可以原諒佢，但唔好阻止其他人唔原諒佢。一走了之的人，值得原諒咩？

睇完簡直o哂嘴

muly我覺得今次你呢個行為，係因為你已經對bff無哂熱誠，而搵個藉口出黎等人接手

你要記住，無你就唔會有bff，桶笑最多都係論壇重臣，係你想走之前希望你仲記得究竟開bff出黎係為左乜野，為左貪玩？貪玩就唔會自己掏荷包出黎租server啦

如果你記得都仲要走，ok隨便，不過我會對你好失望。

冇野講，只希望唔好再有下一次。

壇主要退落黎其實唔係大問題, 有時太多工作在身做唔晒, 分工比其他人根本係一件好事

至於火兄提出要交代死壇事件, 根本就好正常, 有咩問題......?

係咪大家覺得死壇係好正常先? 定係習慣左死壇.........

有時某 d 野可以避免就唔應該比佢發生。

而家個個都係少少事就話要走
細路仔咩
走就走...
唔駛交代

如果muly你係因為想脫手而借機請辭既, 我歡迎.




如果你真係因為想負責任既, 你揀左個最唔負責任既方法.

我觉得需要有个人专门负责这些东西..

不要分开人做.

一下要muly这个,一下要桶少那个,还要迪神进钱..

不如找个人担当一切不就好咯.

一年一次而已..

不然就住在一起或附近的好友一起负责吧

muly近年都好少上來, 大家經常要搵你都搵唔到, 你而家咁樣話"請辭", 會令人覺得你係順便放底埋個責任,
以後輕輕鬆鬆, 關仁......
而如果你唔係打算咁, 就唔好令人誤會你有此想法, 請好好重新考慮是次的解決方針。
請辭? 有咩意思? 名函不同罷了, 不客氣講句, 不論你"壇主"還是"初級會員", 對你, 對好友運作都唔會有影響,
而對今次事件或防範下次同類事件發生也毫無幫助, 不如諗下有咩實際行動和措施來防範未然, 咁係咪仲實際?

其實, 壇主, 你係一壇之主, 個壇係你開始搞出來的, 所以你就算做過咩都一樣係壇主, 就算你請左辭, 換左個名函,
根本你仍然係壇主, 其實請辭黎做乜??

好多大公司的老闆在公司運作順暢後, 都唔會再點理公司業務, 交俾下面d人做。 開荒咁辛苦,
生意上左軌道, 行上一層做太上皇享受成果, 係完全可以理解的做法, 冇咩問題。
在臨時壇我也有說過要罷免負責人, 如果你有因為這句話而有此決定, 我在此道歉, 這是我一時氣話,
但你仍然是應想好以後的實際措施。請三思。