我相信set得個版主版，你話佢完全無價值就無可能。但宜家個問題唔係呢到。
個問題係，係咩情況下，我地去設立版主議事大堂。
係先有人動議設立，經再三討論，得出共識，然後設立，定係係無人知道既情況下，但憑個人既喜好，無經過諮詢及討論……仲要連壇主都話唔知既情況下………就無聲無息地擺左係到。
要知道，不設版主版，係舊論壇「既定政策」。係經過討論之下得出既共識。算係討論既一貫方針。通告都有講啦，一切舊壇既規定版規、政策，會自動轉移到新壇，一切照舊嘛。既然係咁，就算宜家真係覺得有需要加呢個版，最起碼都應該有人提出黎，經大家商議，先再決定係咪推出。咁樣先會合乎程序。亦較易令會員明白同接受。
若然連壇主都要入黎講句：「下？我都唔知喎……」咁就更加令人難以相信。
